తల్లడిల్లుతున్న పల్లెలు

నిర్మల్‌

యోగాసన పోటీల్లో ప్రతిభ

నిర్మల్‌టౌన్‌: ఇటీవల రాజస్థాన్‌లోని జోధ్‌పూర్‌లో నిర్వహించిన ఖేలో ఇండియా యోగాసన పోటీల్లో నిర్మల్‌ జిల్లా తానూర్‌ మండలం హిప్నల్లి గ్రామానికి చెందిన వార్లే ప్రదీప్‌ కాంస్య పతాకం సాధించాడు. ఈ సందర్భంగా యోగా గురువు మల్లేశ్‌, యోగా అసోసియేషన్‌ ప్రెసిడెంట్‌ అన్నపూర్ణ మాట్లాడుతూ.. తెలంగాణ ప్రాంతం నుంచి ఖేలో ఇండియాలో మొట్టమొదటిసారిగా జిల్లాకు చెందిన విద్యార్థి పతకం సాధించడం గర్వంగా ఉందన్నారు.

సమస్యల్లో భైంసా..

భైంసా పట్టణంలోని పలు వార్డుల్లో సమస్యలు తిష్టవేశాయి. ముఖ్యంగా సీసీ రోడ్లు అధ్వాన్నంగా మారాయి. డ్రెయినేజీల్లో పూడిక పేరుకుపోయి దుర్గంధం వెదజల్లుతోంది.

మత్తుపదార్థాలకు దూరంగా ఉండాలి

సారంగపూర్‌: విద్యార్థులు మత్తు పదార్థాలకు దూరంగా ఉండాలని తెలంగాణ యాంటీ నార్కోటిక్స్‌ బ్యూరో సభ్యుడు, ప్రముఖ ఇంపాక్ట్‌ ట్రైనర్‌ కొట్టూరి శ్రీకాంత్‌ అన్నారు. మండలంలోని చించోలి(బి) ఉన్నత పాఠశాలలో విద్యార్థులకు మాదకద్రవ్యాల వినియోగం, వాటి దుష్ప్రభావాలపై శుక్రవారం అవగాహ న కల్పించారు. అసలు డ్రగ్స్‌ అంటే ఏమిటి.. వాటితో కలిగే అనర్థాలు ఏమిటి అనే అంశాలు వివరించారు. చెడు వ్యసనాలకు దూరంగా ఉండాలని, మంచి వారితో స్నేహం చేయాలని సూచించారు. అనంతరం ప్రతిజ్ఞ చేయించారు. కార్యక్రమంలో హెచ్‌ఎం మునీందర్‌ రాజు, ఉపాధ్యాయులు సునీత, అన్నపూర్ణ, మహేశ్వర్‌, రవిరాజు తదితరులు ఉన్నారు.

కాలినడకన వస్తున్న వీళ్లు అడవికి వెళ్లి, తిరిగి వస్తున్నట్లు అనిపిస్తుంది కదూ. కానీ.. వాళ్లు కడెంలో సరుకులు కొనుక్కుని తమ ఊళ్లోకి వెళ్తున్నారు. కడెం మండలం ఉడుంపూర్‌ గ్రామపంచాయతీ పరిధిలోని మిద్దెచింతవాసులు. మండలకేంద్రం నుంచే దాదాపు 35–36కి.మీ. దూరం ఈ అడవిపల్లె. ఇక అభివృద్ధికి అందనంత దూరంగా ఉన్నారు. తరాలు గడిచిపోతున్నా.. ఇప్పటికీ ఉడుంపూర్‌ నుంచి మిద్దెచింతకు 5కి.మీ.లు అడవిలో నడిచి వెళ్లాల్సిందే.

నిర్మల్‌/భైంసా/భైంసారూరల్‌: పంచాయతీల్లో పాలకవర్గాలు మారుతున్నాయే తప్పా.. పల్లెల్లో మాత్రం పెద్దగా మార్పులు కనిపించడం లేదు. ఎక్కడున్న ఊళ్లు.. అక్కడే ఉన్నాయి. ఇప్పటికీ కనీస సౌకర్యాలూ లేకపోవడం శోచనీయం. పంచాయతీ పాలకవర్గాల పదవీకాలం ముగిసి రెండేళ్లు కావస్తోంది. ప్రస్తుతం నిధులు రాక కార్మికులకు జీతా లు, కరెంటు బిల్లులు, ట్రాక్టర్‌ ఈఎంఐలు, డీజిల్‌ బిల్లులు చెల్లించలేక తల్లడిల్లుతున్నాయి. ఈ క్రమంలో ఎన్నికలకు నగారా మోగింది. ఈసారైనా తమ ఊళ్లను మార్చేవాళ్లు రావాలని, తమ గ్రామాల భవిత మారాలని పల్లెజనం కోరుకుంటున్నారు.

కనీస సౌకర్యాల లేక..

కుభీర్‌, సారంగాపూర్‌, మామడ, ఖానాపూర్‌, కడెం, పెంబి మండలాల్లో అనేక గ్రామాలకు సరైన రోడ్లు లేకపోవడం, చాకిరేవు, మిద్దెచింతలో విద్యుత్‌ సరఫరా లేకుండా చీకటి బతుకులు కొనసాగుతున్నాయి. పారిశుద్ధ్యం, తాగునీరు, వీధిదీపాలు వంటి ప్రాథమిక వసతుల్లో చాలా పంచాయతీలు విఫలమవుతున్నాయి. మురుగునీరు రోడ్లపై పారడం, డ్రైనేజీల అస్తవ్యస్తత వంటి సమస్యలు తీవ్రంగా ఉన్నాయి.

దాహం తీర్చని మిషన్‌ భగీరథ..

మిషన్‌ భగీరథ అమలైనా తాగునీరు సరఫరాలో లోపాలు కొనసాగుతున్నాయి. రంగుమారినీరు, అసమర్థ పైప్‌లైన్‌లు గ్రామాల్లో సమస్యలుగా మారాయి. కడెం మండలం బాబానాయక్‌తండా, ఇస్లాంపూర్‌లో మట్టిరోడ్లతో అత్యవసర సమయాల్లో ప్రాణాలకు ముప్పు వాటిల్లుతోంది.

కొత్త కాలనీల సవాళ్లు..

పల్లెల్లో కుటుంబాలు పెరగడంతో కొత్త ఆబాదీలు ఏర్పడుతున్నాయి, కానీ డ్రైనేజీలు, రోడ్లు, విద్యుత్‌ స్తంభాలు లేకుండా అభివృద్ధి ఆగిపోతోంది. పాత ఇళ్లలో ఇరుకు మార్గాలు, వేలాడే తీగలు కనిపించడం కొత్త నిర్మాణాలకు ముందస్తు చర్యల అవసరాన్ని తెలియజేస్తోంది.

ఐదేళ్లలో మారాలి..

పంచాయతీ పాలకుల పదవీకాలం ముగిసి రెండేళ్లు దాటినా ప్రత్యేకాధికారుల పాలనలో పనులు నిలిచిపోయాయి. రానున్న ఎన్నికల్లో అవినీతి దూరం, గ్రామాభివృద్ధి ప్రాధాన్యతలు చూసే నాయకులు, యువకులు రావాలని పల్లె ప్రజలు ఆకాంక్షిస్తున్నారు. పారిశుద్ధ్యం, రవాణా, ఉపాధి అవకాశాలు, మినీ పరిశ్రమలు కల్పించేలా కృషి చేయాలని కోరుకుంటున్నారు

పేండ్‌పల్లిలో కిందకు వేలాడుతున్న విద్యుత్‌ తీగలు ప్రాదకరంగా ఉన్నాయి. దీంతో గ్రామస్తులు భయపడుతున్నారు.

4న ఆదిలాబాద్‌కు

సీఎం రేవంత్‌రెడ్డి

కైలాస్‌నగర్‌: సీఎం రేవంత్‌రెడ్డి ఆదిలాబాద్‌ జిల్లా పర్యటన ఖరారైంది. ప్రభుత్వం అధికారంలోకి వచ్చి రెండేళ్లు పూర్తవుతున్న సందర్భం పురస్కరించుకుని డిసెంబర్‌ 1నుంచి 9వరకు ప్రజాపాలన వారోత్సవాలు చేపట్టాలని ఇటీవల నిర్వహించిన కేబినేట్‌ సమావేశంలో నిర్ణయించారు. ఈ మేరకు సీఎం జిల్లాల పర్యటనకు శ్రీకారం చుట్టారు. ఇందులో భాగంగా డిసెంబర్‌ 4న ఆదిలాబాద్‌కు రానున్నారు. గ్రామీణ ప్రాంతాల్లో ఎన్నికల కోడ్‌ అమల్లో ఉన్నందున జిల్లా కేంద్రంలో వివిధ అభివృద్ధి కార్యక్రమాలకు భూమిపూజ చేయనున్నారు. అలాగే పట్టణంలోని ఇందిరా ప్రియదర్శిని స్టేడియంలో బహిరంగ సభ నిర్వహించాలని యోచిస్తున్నట్లుగా తెలుస్తోంది. ప్రత్యేక హెలిక్యాప్టర్‌ ద్వారా జిల్లా కేంద్రానికి రానున్నందున బల్దియా అధికారులు స్థానిక ఎరోడ్రమ్‌ మైదానం వద్ద ఏర్పాట్ల పనులు షురూ చేశారు.

తల్లడిల్లుతున్న పల్లెలు

తల్లడిల్లుతున్న పల్లెలు

తల్లడిల్లుతున్న పల్లెలు