టెస్టులకు కుల్దీప్‌.. కోహ్లి హింట్‌!

Virat Kohli Says Anything is Possible With The Selections For Tests - Sakshi

నాటింగ్‌హామ్‌: టీమిండియా స్పిన్నర్‌, చైనామన్‌ బౌలర్‌ కుల్దీప్‌ యాదవ్‌ స్పిన్‌కు ఆతిథ్య ఇంగ్లండ్‌ మరోసారి చిక్కుకుంది. గురువారం జరిగిన తొలి వన్డేలో భారత్‌ 8 వికెట్ల తేడాతో విజయం సాధించిన విషయం తెలిసిందే. కుల్దీప్‌ (10–0–25–6)కు తోడు రోహిత్‌ శర్మ శతకం తోడవడంతో భారత విజయం సులువైంది. అయితే ఈ పర్యటనలో అద్భుతంగా రాణిస్తున్న కుల్దీప్‌ టెస్టుల్లో కూడా అవకాశం లభిస్తోందని ఆశాభావం వ్యక్తం చేశాడు. అయితే ఈ విజయానంతరం కెప్టెన్‌ కోహ్లి ముందు ఈ విషయం ప్రస్తావించగా.. సానుకూలంగా స్పందించాడు. ‘టెస్టు సెలక్షన్‌లో ఏమైనా జరగొచ్చు.. సర్‌ప్రైజ్‌ కూడా ఉండొచ్చు. చహల్‌, కుల్దీప్‌లు చాలా రాటుదేలారు. ముఖ్యంగా ఇంగ్లీష్‌ బ్యాట్స్‌మన్‌ వారి బౌలింగ్‌లో తెగ ఇబ్బంది పడుతున్నారు. ఈ విషయం మమ్మల్నివారిని తీసుకోనేలా టెంప్ట్‌ చేయోచ్చు.’ అని హింట్‌ ఇచ్చాడు. ఇప్పటికే మూడు టీ20ల సిరీస్‌ను 2-1తో కైవసం చేసుకున్న భారత్‌.. వన్డే సిరీస్‌లో 1-0తో ఆధిక్యం సాధించింది.

ఆ ఓవర్‌ కాన్ఫిడెన్స్‌నిచ్చింది: కుల్దీప్‌
ఇక పటిష్ట స్థితిలో కుదురుకున్న ఇంగ్లండ్‌ను దెబ్బతీయడంపై కుల్దీప్‌ స్పందిస్తూ..‘  నా జీవితంలో ఇది ఓ గొప్పరోజు. తొలి ఓవర్లను అద్బుతంగా ప్రారంభించాను. అదృష్టవశాత్తు తొలి రెండు ఓవర్లలోనే వికెట్లు దక్కాయి. మైదానం చిన్నదా.. పెద్దాదా అనేది నాకు పెద్దవిషయం కాదు. తొలి ఓవర్‌ అనంతరం బంతి బాగా తిరుగుతుందని గ్రహించా. ఈ రోజు నేను కొత్తగా ఆడాను. ఎవరైనా సరైన ప్రదేశాల్లో వైవిధ్యంగా బంతిని వేస్తే బ్యాట్స్‌మెన్‌ ఇబ్బంది పెడ్తారు. తదుపరి మ్యాచ్‌కు వారు మంచి సన్నాహకంతో వస్తారని నాకు తెలుసు’ అని తెలిపాడు.

Read latest Sports News and Telugu News | Follow us on FaceBook, Twitter, Telegram



 

Read also in:
Back to Top