CWC 2023: వచ్చాడయ్యో ‘షమీ’.. ‘వారసత్వాన్నే’ నిలబెట్టంగా.. జట్టును ఫైనల్‌కు చేర్చంగా!

WC 2023: Shami Struggle To Success Created Running Tracks On His Agricultural Land - Sakshi

ఉత్తరప్రదేశ్‌లోని ఓ కుగ్రామం.. సహాస్‌పూర్‌కు చెందిన తౌసీఫ్‌ అలీ యువకుడిగా ఉన్న సమయంలో ఫాస్ట్‌బౌలర్‌గా గుర్తింపు పొందాడు.. మరి తనకున్న ఐదుగురు పిల్లల్లో ‘క్రికెట్‌’ వారసుడు అయ్యేదెవరు?

ఒక్కగానొక్క కూతురు సబీనా అంజుమ్‌తో పాటు ముగ్గురు కుమారులకు అంతగా ఆసక్తి లేదు. మిగిలిన ఆ ఒక్కడిపైనే నాన్న నమ్మకం.. 15 ఏళ్ల వయసులో అతడిని మొరదాబాద్‌లోని క్రికెట్‌ కోచింగ్‌ సెంటర్‌లో చేర్పించాడు.

ఇంటి నుంచి అక్కడికి దాదాపు 30 కిలో మీటర్ల దూరం.. అయినా వెనక్కి తగ్గలేదు.. కొడుకును సైకిల్‌ మీద కూర్చోబెట్టుకుని మరీ తనే స్వయంగా అక్కడి దాకా తీసుకువెళ్లేవాడు. రైతుగా వచ్చే సంపాదనలో అగ్రభాగం అతడి కోసమే ఖర్చు పెట్టేవాడు.. 

నాన్న నమ్మకం వమ్ము చేయొద్దనే సంకల్పంతో ఆ పిల్లాడు అహర్నిషలు శ్రమించాడు.. కఠిన శ్రమకోర్చాడు.. కొత్త బంతితో మ్యాజిక్‌ చేయడం మాత్రమే కాదు.. పాత బంతిని ఉపయోగించి రివర్స్‌ స్వింగ్‌ రాబట్టే నైపుణ్యాలు పెంపొందించుకున్నాడు.

దేశవాళీ క్రికెట్‌లో సొంతరాష్ట్రానికి ఆడే అవకాశం కోసం ఎదురుచూశాడు కానీ.. సెలక్టర్లు అతడి పేరును పరిగణనలోకి తీసుకోలేదు. దీంతో అతడి కోచ్‌ బుద్రుద్దీన్‌ సిద్ధిఖీ అతడిని కోల్‌కతాకు పంపించాడు. అక్కడ దేవవ్రత దాస్‌ యూపీ కుర్రాడి బౌలింగ్‌ స్కిల్క్స్‌కు ఫిదా అయ్యాడు.

తన క్లబ్‌లో జాయిన్‌ చేసుకోవడమే గాకుండా.. తనతో పాటే తన ఇంట్లోనే ఉండేలా ఏర్పాట్లు చేశాడు. అంతేకాదు బెంగాల్‌ సెలక్టర్లతో మాట్లాడి అండర్‌-22 జట్టుకు ఎంపికయ్యేలా ప్రోత్సాహం అందించాడు. 

అలా ఒక్కో మెట్టు ఎక్కుతూ మోహన్‌ బగన్‌ క్రికెట్‌ క్లబ్‌కు ఆడే అవకాశం దక్కించుకున్న ఆ యూపీ అబ్బాయి.. టీమిండియా మాజీ సారథి సౌరవ్‌ గంగూలీకి ఈడెన్‌ గార్డెన్స్‌లో నెట్స్‌లో బౌలింగ్‌ చేసే గోల్డెన్‌ ఛాన్స్‌ కొట్టేశాడు.

దాదా కూడా అతడి ఆటకు ఫిదా అయ్యాడు. టీమ్‌కు సెలక్ట్‌ చేసేలా సిఫారసు చేశాడు. అలా 2010- 11లో బెంగాల్‌ తరఫున అరంగేట్రం చేసిన సదరు పేసర్‌.. 2010లో టీ20 జట్టుకు ఆడిన తొలి మ్యాచ్‌లోనే నాలుగు వికెట్లు పడగొట్టాడు.

ఆ తర్వాత ఫస్ట్‌క్లాస్‌ క్రికెట్‌లోనూ అడుగుపెట్టి ప్రతిభను చాటుకున్నాడు. 2012లో ఈస్ట్‌ జోన్‌ దులీప్‌ ట్రోఫీ గెలవడంలో కీలక పాత్ర పోషించి ఒక్కసారిగా వెలుగులోకి వచ్చాడు.

అలా అంచెలంచెలుగా ఎదిగి ఇండియా-ఏ జట్టుకు ఆడే అవకాశం దక్కించుకున్నాడు. అద్భుతమైన ఆటతీరుతో సర్‌ప్రైజ్‌ ప్యాకేజ్‌గా నిలిచి నాటి కోచ్‌ లాల్‌చంద్‌ రాజ్‌పుత్‌ను ఇంప్రెస్‌ చేశాడు.

ఇక ఆ తర్వాత వెనుదిరిగి చూసుకోవాల్సిన అవసరం రాలేదు. ఫస్ట్‌క్లాస్‌ క్రికెట్‌, ఇండియా- ఏ జట్టు తరఫున సత్తా చాటుతూ.. టీమిండియా సెలక్టర్ల దృష్టిలో పడ్డాడు. 2013లో పాకిస్తాన్‌తో వన్డే సందర్భంగా  అంతర్జాతీయ క్రికెట్‌లో అడుగుపెట్టాడు.

ఆ మ్యాచ్‌లో 9 ఓవర్లు బౌలింగ్‌ చేసి ఒక వికెట్‌ తీశాడు. ఆ తర్వాత మరింత మెరుగైన ప్రదర్శన కనబరచడంతో వరుసగా అవకాశాలు వచ్చాయి.. ఆస్ట్రేలియా, న్యూజిలాండ్‌ లాంటి మేటి జట్లతో మ్యాచ్‌లు.. ఆసియా కప్‌-2014 జట్టులోనూ చోటు.. 

ఇలా పరిమిత ఓవర్ల క్రికెట్‌లో తనను తానూ నిరూపించుకున్న ఈ రైటార్మ్‌ పేసర్‌..  అదే ఏడాది టెస్టుల్లో అరంగేట్రం చేశాడు.. వెస్టిండీస్‌తో మ్యాచ్‌.. టీమిండియా దిగ్గజం సచిన్‌ టెండుల్కర్‌ ఫేర్‌వెల్‌ మ్యాచ్‌..

మనోడు అక్కడా హిట్టే.. రివర్స్‌ స్వింగ్‌తో ప్రత్యర్థి జట్టు బ్యాటర్లకు చుక్కలు చూపించాడు. ఏకంగా తొమ్మిది వికెట్లు పడగొట్టి తన ఆగమనాన్ని ఘనంగా చాటాడు. 

వివాదాల ఊబిలో చిక్కుకుపోయి
అన్నీ సవ్యంగా సాగుతున్నాయనుకున్న సమంలో గాయాల బెడద.. తీవ్ర విమర్శలు.. వైవాహిక జీవితంలో ఆటుపోట్లు.. కోర్టు కేసులు.. ఫిక్సింగ్‌ ఆరోపణలు.. స్త్రీలోలుడు అనే ముద్ర.. కన్నబిడ్డను తనతో పాటే ఒకే ఇంట్లో ఉంచుకోలేని దుస్థితి..

విడిపోదామని నిర్ణయించుకున్న భార్య..  కోట్లలో భరణం ఇవ్వాలనే డిమాండ్లు.. సంచలన ఆరోపణలతో విరుచుకుపడుతూ ఏకంగా సుప్రీంకోర్టు దాకా తీసుకువచ్చిన వైనం.. వెంటనే అరెస్ట్‌ చేయాలంటూ పిటిషన్ల మీద పిటిషన్లు..

వెరసి అతడు అరెస్టు ఖాయం.. అతడి కెరీర్‌కు ఎండ్‌కార్డ్‌ పడ్డట్లే అనే అభిప్రాయాలు.. కానీ.. అదృష్టం కలిసి వచ్చింది. సర్వోన్నత న్యాయస్థానంలో ఊరట లభించింది.

ఇలా ఓవైపు గాయాలు.. మరోవైపు వ్యక్తిగత జీవితంలో సమస్యలు వేధిస్తున్నా ఆటపై నుంచి తన దృష్టి మరల్చలేదు. ఫిట్‌నెస్‌ను కాపాడుకునేందుకు శాయశక్తులా కృషి చేశాడు.

పంటపొలాల్లో పరుగులు
పేసర్ల కాళ్లు ఎంత బలంగా ఉంటే అంత మంచిదిఅందుకోసం అతడు ఏకంగా తన పొలంలోనే రన్నింగ్‌ ట్రాక్‌ ఏర్పాటు చేసుకున్నాడు. పొలాల వెంట పరుగులు తీస్తూ మరింత ఫిట్‌గా తయారయ్యేందుకు శ్రమించాడు. 

కట్‌చేస్తే.. జట్టులో పునరాగమనం... అటు ఐపీఎల్‌-2023లోనూ టాప్‌ వికెట్‌ టేకర్‌గా సత్తా.. 17 ఇన్నింగ్స్‌ ఆడి 28 వికెట్లు పడగొట్టి పర్పుల్‌ క్యాప్‌ సొంతం చేసుకున్నాడు.

వన్డే వరల్డ్‌కప్‌-2023 జట్టులో చోటు.. అయితే, పేస్‌ విభాగంలో మూడో ప్రాధాన్యంగానే అతడి పేరు.. జట్టు కూర్పు దృష్ట్యా తొలి నాలుగు మ్యాచ్‌లలో మొండిచేయే..

అప్పుడు రాకరాక వచ్చిందో ఛాన్స్‌.. పటిష్ట న్యూజిలాండ్‌తో మ్యాచ్‌.. వచ్చిన అవకాశాన్ని పూర్తిగా సద్వినియోగం చేసుకుని ఏకంగా ఐదు వికెట్లు కూల్చాడు. వచ్చీ రాగానే ప్రపంచప్‌లో 5 వికెట్ల హాల్‌ నమోదు చేశాడు.

అంతేనా.. మరొసటి మ్యాచ్‌లో ఇంగ్లండ్‌ మీద 4 వికెట్ల హాల్‌.. ఆపై.. తన కెరీర్‌లో చిరస్థాయిగా నిలిచిపోయేలా చారిత్రాత్మక వాంఖడేలో అత్యద్భుత ప్రదర్శన.. 5 ఓవర్ల బౌలింగ్‌లో 18 పరుగులు మాత్రమే ఇచ్చి 5 వికెట్లు తీసి.. వన్డే వరల్డ్‌కప్‌లో భారత్‌ తరఫున అత్యధిక వికెట్లు పడగొట్టిన బౌలర్‌గా సరికొత్త చరిత్ర..

అతడి పేరు మహ్మద్‌ షమీ.. 33 ఏళ్ల రైట్‌ఆర్మ్‌ ఫాస్ట్‌ మీడియం పేసర్‌.. టీమిండియా కెప్టెన్‌ రోహిత్‌ శర్మ చెప్పినట్లు.. షమీ నిజంగానే అతడికి వచ్చిన అవకాశాన్ని రెండుచేతులా ఒడిసిపట్టి అద్భుతాలు చేయగలడు!! వన్డే వరల్డ్‌కప్‌-2023 సెమీ ఫైనల్లో ఈ మాటను మరోసారి నిజం చేశాడు. న్యూజిలాండ్‌తో మ్యాచ్‌లో ఏకంగా ఏడు వికెట్లు కూల్చి.. జట్టును ఫైనల్‌కు చేర్చి ప్లేయర్‌ ఆఫ్‌ ది మ్యాచ్‌ అవార్డు అందుకున్నాడు.

అంతేకాదు వన్డే వరల్డ్‌కప్‌ సింగిల్‌ ఎడిషన్‌లో మూడుసార్లు ఐదు వికెట్ల హాల్‌ నమోదు చేసిన తొలి బౌలర్‌గా చరిత్రకెక్కాడు షమీ. అదే విధంగా తాజా ఎడిషన్‌లో ఇప్పటి వరకు 23 కూల్చి వికెట్ల వీరుల జాబితాలో అ‍గ్రస్థానానికి చేరుకున్నాడు. 
-సుష్మారెడ్డి యాళ్ల

Read latest Sports News and Telugu News | Follow us on FaceBook, Twitter, Telegram

మరిన్ని వార్తలు

18-11-2023
Nov 18, 2023, 15:30 IST
క్రికెట్‌ అభిమానులంతా ఎంతో ఆసక్తిగా ఎదురుచూస్తున్న భారత్‌-ఆస్ట్రేలియా ప్రపంచకప్‌-2023 ఫైనల్‌కు రంగం సిద్దమైంది. అహ్మదాబాద్‌ వేదికగా మరో 24 గంటల్లో...
18-11-2023
Nov 18, 2023, 14:07 IST
ICC CWC 2023 Closing Ceremony: వన్డే వరల్డ్‌కప్‌-2023 టోర్నీకి భారత క్రికెట్‌ నియంత్రణ మండలి ఘనంగా ముగింపు పలకనుంది. ఇందుకోసం.. అహ్మదాబాద్‌లో...
18-11-2023
Nov 18, 2023, 13:29 IST
CWC 2023 Final India Vs Australia: ఆస్ట్రేలియాతో టీమిండియా వరల్డ్‌కప్‌ ఫైనల్‌ నేపథ్యంలో భారత మాజీ ఆల్‌రౌండర్‌ యువరాజ్‌...
18-11-2023
Nov 18, 2023, 12:30 IST
ఇద్దరూ కుడిచేతి వాటం క్రికెటర్లే.. అందులో ఒకరు వికెట్‌ కీపర్‌.. మరొకరు అచ్చమైన బ్యాటర్‌.. ఆ ఇద్దరూ గాయాల నుంచి...
18-11-2023
Nov 18, 2023, 11:10 IST
వన్డే వరల్డ్‌కప్‌-2023 ఫైనల్లో రెండు అత్యుత్తమ జట్లు తలపడటం సంతోషంగా ఉందని భారత క్రికెట్‌ దిగ్గజం సునిల్‌ గావస్కర్‌ అన్నాడు....
18-11-2023
Nov 18, 2023, 09:33 IST
పుష్కరకాలం తర్వాత.. అదీ సొంతగడ్డపై వన్డే ప్రపంచకప్‌ ఫైనల్‌ ఆడేందుకు టీమిండియా సిద్ధమైంది. ఇరవై ఏళ్ల క్రితం ఆస్ట్రేలియా చేతిలో...
18-11-2023
Nov 18, 2023, 08:33 IST
క్రికెట్‌ ‍ప్రపంచం ఎప్పుడెప్పుడా అని ఎదురుచూసిన తరుణం రానే వచ్చింది. మరికొన్ని గంటల్లో వన్డే ప్రపంచకప్‌-2023 ఫైనల్‌ జరుగనుంది. తుదిపోరులో...
18-11-2023
Nov 18, 2023, 05:44 IST
యువర్‌ అటెన్షన్‌ ప్లీజ్‌! అహ్మదాబాద్‌ వెళ్లవలసిన రోడ్డు, రైలు, ఆకాశ మార్గాలన్నీ కిక్కిరిసి ఉన్నాయి. ఇందులో ఏది ఎక్కినా చుక్కలు చూడటం...
17-11-2023
Nov 17, 2023, 21:12 IST
పాకిస్తాన్‌ క్రికెట్‌లో మరో కీలక పరిణామం చోటుచేసుకుంది. పాకిస్తాన్‌ పురుషల క్రికెట్‌ జట్టు చీఫ్ సెలెక్టర్‌గా మాజీ ఫాస్ట్ బౌలర్...
17-11-2023
Nov 17, 2023, 19:52 IST
శ్రీలంక క్రికెట్‌ను నాశనం చేశడంటూ బీసీసీఐ సెక్రటరీ, ఏసీసీ అధ్యక్షుడు జై షాపై ఆ దేశ మాజీ కెప్టెన్‌ అర్జున...
17-11-2023
Nov 17, 2023, 19:13 IST
వన్డే ప్రపంచకప్‌-2023 టోర్నీ తుది అంకానికి చేరుకుంది. నవంబర్‌ 19న అహ్మదాబాద్‌లోని నరేంద్ర మోడీ స్టేడియం వేదికగా జరగనున్న తుదిపోరులో...
17-11-2023
Nov 17, 2023, 18:33 IST
వన్డే ప్రపంచకప్‌-2023 ఫైనల్లో భారత్‌-ఆస్ట్రేలియా జట్లు తలపడనున్నాయి. నవంబర్‌ 19న అహ్మదాబాద్‌ వేదికగా జరగనున్న టైటిల్‌ పోరులో ఇరు జట్లు...
17-11-2023
Nov 17, 2023, 16:36 IST
వన్డే ప్రపంచకప్‌-2023లో తుది సమరానికి సమయం అసన్నమైంది. నవంబర్‌ 19న అహ్మదాబాద్‌ వేదికగా జరగనున్న టైటిల్‌ పోరులో భారత్‌-ఆస్ట్రేలియా జట్లు...
17-11-2023
Nov 17, 2023, 15:03 IST
వన్డే వరల్డ్‌కప్‌-2023 ట్రోఫీని ముద్దాడేందుకు టీమిండియా అడుగుదూరంలో నిలిచింది. నవంబర్‌ 19న అహ్మదాబాద్‌ వేదికగా జరగనున్న ఫైనల్‌ పోరులో ఆస్ట్రేలియాతో...
17-11-2023
Nov 17, 2023, 12:41 IST
వన్డే వరల్డ్‌కప్‌ 2023లో భాగంగా నిన్న జరిగిన రెండో సెమీఫైనల్లో ఆస్ట్రేలియా.. సౌతాఫ్రికాను 3 వికెట్ల తేడాతో ఓడించింది. ఈ...
17-11-2023
Nov 17, 2023, 11:39 IST
వరల్డ్‌కప్‌ 2023 రెండో సెమీఫైనల్లో ఆస్ట్రేలియా.. సౌతాఫ్రికాను ఓడించి రికార్డు స్థాయిలో ఎనిమిదో సారి ప్రపంచకప్‌ ఫైనల్స్‌కు చేరింది. కోల్‌కతా...
17-11-2023
Nov 17, 2023, 11:03 IST
వన్డే వరల్డ్‌కప్‌ 2023లో భాగంగా ఆస్ట్రేలియాతో నిన్న జరిగిన రెండో సెమీఫైనల్లో సౌతాఫ్రికా 3 వికెట్ల తేడాతో ఓటమిపాలై ఐదోసారి...
17-11-2023
Nov 17, 2023, 08:47 IST
వన్డే వరల్డ్‌కప్‌ 2023లో భాగంగా న్యూజిలాండ్‌తో జరిగిన తొలి సెమీఫైనల్లో టీమిండియా ఆటగాడు విరాట్‌ కోహ్లి 50 వన్డే సెంచరీలు...
17-11-2023
Nov 17, 2023, 08:04 IST
అంతర్జాతీయ క్రికెట్లో సచిన్‌ టెండూల్కర్‌ నెలకొల్పిన 100 సెంచరీల రికార్డునూ బద్దలుకొట్టే సత్తా భారత బ్యాటింగ్‌ కింగ్‌ విరాట్‌ కోహ్లికి...
17-11-2023
Nov 17, 2023, 07:46 IST
వన్డే వరల్డ్‌కప్‌ 2023 ఫైనల్‌ బెర్త్‌లు ఖరారయ్యాయి. అహ్మదాబాద్‌ వేదికగా నవంబర్‌ 19న భారత్‌, ఆస్ట్రేలియా మధ్య తుది సమరం జరుగనుంది....

మరిన్ని ఫొటోలు



 

Read also in:
Back to Top