ఆటపాటలతో అభ్యసనం సాగించాలి

ఆటపాటలతో అభ్యసనం సాగించాలి

నిర్మల్‌ రూరల్‌: విద్యార్థులు ఆటపాటలతో అభ్యసనం సాగించాలని డీఈఓ భోజన్న అన్నా రు. జిల్లా కేంద్రంలోని ఈద్గాం ప్రాథమిక పాఠశాలను శుక్రవారం సందర్శించారు. ప్రాథమిక విద్యాభ్యాసం విద్యార్థుల జీవితానికి పునాది అన్నారు. ఇక్కడ నేర్చుకున్న అంశాలు భవిష్యత్తుకు బాటలు వేస్తాయన్నారు. ఉపాధ్యాయులు చెప్పే అంశాలను, శ్రద్ధగా వింటూ సృజనాత్మకంగా ఆలోచించి, సాధన చేయాల ని సూచించారు. అభ్యసన ఫలితాల ఆధారంగా విద్యార్థులు పాఠ్యపుస్తకాలు, వర్క్‌ పుస్తకాలు సాధన చేయాలని తెలిపారు. ప్రాథమిక విద్యార్థులకు తొలిమెట్టు కార్యక్రమాన్ని నిర్వహించి, అభ్యసన ఫలితాల్లో మెరుగైన సామర్థ్యాలు పెంపొందించేలా చూడాలన్నారు. మూడో తరగతి విద్యార్థులు ఫౌండేషనల్‌ లెర్నింగ్‌ స్టడీ పరీక్షకు సిద్ధం కావాలని సూచించారు. డీఈవో వెంట ఎంఈవో నాగేశ్వరరావు, ఉన్నత పాఠశాల హెచ్‌ఎం నీరజారాణి, ప్రాథమిక పాఠశాల హెచ్‌ఎం రోహిదాస్‌ ఉన్నారు.