TV
ఎన్నికల పరిశీలకురాలిని కలిసిన కలెక్టర్‌
నిర్మల్‌చైన్‌గేట్‌: గ్రామపంచాయతీ ఎన్నికలకు సంబంధించి జిల్లాకు పరిశీలకులుగా నియమి తులైన ఆయేషా మస్రత్‌ ఖానమ్‌ గురువారం జిల్లాకు చేరుకున్నారు. కలెక్టర్‌ అభిలాష అభినవ్‌ అటవీ శాఖ అతిథి గృహంలో మర్యాదపూర్వకంగా కలిశారు. పూల మొక్క అందించారు. అనంతరం ఎన్నికలకు సంబంధించి పలు అంశాలపై ఇరువురు చర్చించారు. కలెక్టర్‌ వెంట జిల్లా పంచాయతీ అధికారి శ్రీనివాస్‌ ఉన్నారు.
కలెక్టర్‌ను కలిసిన జిల్లా వ్యయ పరిశీలకుడు
నిర్మల్‌చైన్‌గేట్‌: గ్రామ పంచాయతీ ఎన్నికలకు సంబంధించి జిల్లాకు వ్యయ పరిశీలకులుగా నియమితులైన సయ్యద్‌ సలావుద్దీన్‌ కలెక్టర్‌ అభిలాష అభినవ్‌ను గురువారం కలిశారు. పూల మొక్కను అందజేశారు. అనంతరం పంచాయతీ ఎన్నికల నిర్వహణపై చర్చించారు.
ఫిర్యాదులు ఉంటే నేరుగా
సంప్రదించాలి
దశల్లో నిర్వహించే గ్రామ పంచాయతీ ఎన్నికలకు సంబంధించి ఏవైనా ఫిర్యాదులు ఉంటే ప్రజలు తమను నేరుగా సంప్రదించాలని జిల్లా ఎన్నికల పరిశీలకులు ఆయేషా మస్రత్‌ ఖానం ఒక ప్రకటనలో తెలిపారు. పట్టణంలోని అటవీ శాఖ అతిథి గృహంలో తాను అందుబాటులో ఉంటానని పేర్కొన్నారు. ఎన్నికలపై ఫిర్యాదులను ఇవ్వాలనుకున్నవారు నేరుగా లేదా 9959284786 నంబర్‌కు ఫోన్ చేసి అఇనా ఫిర్యాదు చేయవచ్చని వెల్లడించారు. bservergpnirmal@gmail.com మెయిల్‌కు అయినా ఫిర్యాదులు పంపాలని సూచించారు. ఎన్నికలు పారదర్శకంగా నిర్వహించేందుకు అన్ని చర్యలు తీసుకుంటున్నామని తెలిపారు.
