TV
ఇంగ్లిష్‌ ఒలింపియాడ్‌తో భాషపై పట్టు
నిర్మల్‌ రూరల్‌: ఇంగ్లిష్‌ లాంగ్వేజ్‌ టీచర్స్‌ అసోసియేషన్‌ ఆధ్వర్యంలో నిర్వహిస్తున్న ఇంగ్లిష్‌ ఒలింపియాడ్‌ ఎడ్యుకేట్‌ టాక్‌ పోటీలు భాషపై పట్టును మరింత పెంపొందిస్తాయని ఎల్టా అధ్యక్షుడు కొప్పుల వేణుగోపాలరావు, కార్యదర్శి అల్లూరి రామ్మోహన్‌ అన్నారు. జిల్లా కేంద్రంలోని ప్రభుత్వ బాలికల ఉన్నత పాఠశాలలో ఎల్టా ఆధ్వర్యంలో గురువారం మండలస్థాయి ఇంగ్లిష్‌ ఒలింపియాడ్‌ ఎడ్యుకెస్ట్‌ కాంపిటీషన్స్‌ నిర్వహించారు. ఈ సందర్భంగా వారు మాట్లాడుతూ ప్రభుత్వ పాఠశాలలో చదివే విద్యార్థులు ఇంగ్లిష్‌ భాషలో మరింత ప్రావీణ్యం సంపాదించేందుకు కోసం ఎల్టా కార్యక్రమాలను చేపడుతుందన్నారు. భాషపై భయాన్ని తొలగించడమే తమ లక్ష్యమన్నారు. కార్యక్రమంలో పోటీల నిర్వాహకురాలు ఫహమిదా ఖాతుమ్‌, రతన్‌ కులకర్ణి, ఇర్ఫాన్‌ షేక్‌, ముత్తన్న తదితరులు పాల్గొన్నారు.
పోటీల విజేతలు వీరే..
సీనియర్‌ ఎడ్యుకేస్ట్‌ విభాగంలో ఎం.మధుప్రియ(జుమెరాత్‌పేట్‌ హైస్కూల్‌), జూనియర్‌ ఎడ్యుకేస్ట్‌ విభాగంలో అర్ఫియా అంజుమ్‌(సోమవార్‌పేట్‌ బాలికల పాఠశాల), సీనియర్‌ ఒలింపియాడ్‌లో జాఫ్రిన్‌ సనోబర్‌ (సోమవార్‌పేట్‌ బాలికల పాఠశాల), జూనియర్‌ ఒలింపియాడ్‌లో అయిట్ల నవ్య (జుమ్మెరాత్‌పేట్‌ హైస్కూల్‌) విజేతలుగా నిలిచారు.
