విద్యాసామర్థ్యాలు పెంచాలి

విద్యాసామర్థ్యాలు పెంచాలి

కుభీర్‌: విద్యార్థుల విద్యాసామర్థ్యాలు పెంచా లని డీఈవో భోజన్న సూచించారు. కుభీర్‌లోని కేజీబీవీని శనివారం తనిఖీ చేశారు. ప్రాథమిక విద్యాప్రమాణాలు బాగున్న దేశాలే అభివృద్ధి చెందాయని, కొత్తగా వస్తున్న సాంకేతిక పరిజ్ఞానాన్ని వినియోగించుకుంటూ విద్యార్థుల్లో విద్యాప్రమాణాలు పెంచాలని సూచించారు. 3, 4, 5వ తరగతి విద్యార్థులపై ప్రత్యేక దృష్టి పెట్టాలన్నారు. కుభీర్‌ మండలం మహారాష్ట్రను ఆనుకుని ఉండడంతో భాష సమస్య ఉందన్నా రు. అవసరమైన ఉపాధ్యాయులను ఇవ్వడానికి ప్రయత్నిస్తానని తెలిపారు. అనంతరం విద్యార్థులను ప్రశ్నలు అడిగి సమాధానాలు రాబట్టారు. నూతన భవన నిర్మాణం కోసం స్థల పరిశీలన చేశారు. ఉన్నత పాఠశాలలో జరుగుతున్న ఎఫ్‌ఎల్‌ఎన్‌ శిక్షణ శిబిరాన్ని సందర్శించారు. డీఈవో వెంట జిల్లా సెక్టోరియల్‌ అధికారి ప్రవీణ్‌, ఎంఈవో విజయ్‌కుమార్‌, కేజీబీవీ ప్రిన్సిపాల్‌ వాణిశ్రీ, కాంప్లెక్స్‌ హెచ్‌ఎం గంగాధర్‌, పల్సి ప్రధానోపాధ్యాయుడు డి.సురేశ్‌, ఆర్‌వీఎం ఏఈ మహేశ్‌ ఉన్నారు.