బొజ్జు చేతికే పగ్గాలు

వాతావరణం
ఆకాశం పాక్షికంగా మేఘావృతమవుతుంది. చలి తీవ్రత తగ్గుతుంది. తుపాను ప్రభావంతో ఒకటిరెండు చోట్ల చినుకులు పడే అవకాశం ఉంది.

నిర్మల్‌: డీసీసీ అధ్యక్ష ఎంపికలో కాంగ్రెస్‌ సేఫ్‌గేమ్‌ ఆడింది. పార్టీ జిల్లా పగ్గాలను అనూహ్యంగా ఖానాపూర్‌ ఎమ్మెల్యే వెడ్మబొజ్జు పటేల్‌కు అప్పగించింది. ఈమేరకు ఆలిండియా కాంగ్రెస్‌ ప్రధాన కార్యదర్శి కేసీ వేణుగోపాల్‌ శనివారం ప్రకటించారు. సామాజిక సమీకరణాలతోపాటు జిల్లాలో గ్రూపుల కలహాలు లేకుండా, పార్టీని ముందుకు తీసుకువెళ్లేందుకు గిరిబిడ్డను ఎంపిక చేసింది. ఆదిలాబాద్‌ పార్లమెంట్‌పరిధిలో కాంగ్రెస్‌ నుంచి గెలిచిన ఏకై క ఎమ్మెల్యేగా, సీఎం రేవంత్‌రెడ్డికి సన్నిహితుడ న్న పేరు ఉండటమూ బొజ్జుకు డీసీసీ పదవి అప్పగించడానికి కారణాలుగా చెబుతున్నారు. మరోవైపు అధ్యక్ష స్థానం కోసం 22 మంది దరఖాస్తు చేసుకున్నారు. ఇందులో తాజా మాజీ అధ్యక్షుడు శ్రీహరిరావుతోపాటు పలువురు సీ నియర్లు ఉన్నారు. అధిస్టానం ఎమ్మెల్యేకే డీసీసీ పగ్గాలను అప్పగించింది. మరోదఫా తనకే అవకాశం ఇవ్వాలని శ్రీహరిరావు కోరినా.. ఇదివరకు డీసీసీ పదవిలో ఉన్నవారికి మరోసారి ఇవ్వమని అధిష్టానం ప్రకటించడంతో ఆయనకు దక్కలేదు. మిగిలిన ఎవరికి అప్పగించినా మరోవర్గం నుంచి వ్యతిరేకత వచ్చే అవకాశం ఉండటంతో బొజ్జుకే అప్పగించినట్లు పార్టీవర్గాలు పేర్కొంటున్నాయి.

‘కమలం’ బాటలో కాంగ్రెస్‌...

పార్టీ జిల్లా అధ్యక్ష ఎంపికలో బీజేపీ బాటలోనే కాంగ్రెస్‌ నడిచినట్లయింది. కమలం పార్టీ ఖానాపూర్‌ నియోజకవర్గానికే చెందిన రితేశ్‌రాథోడ్‌కు జిల్లా అధ్యక్ష బాధ్యతలు అప్పగించింది. తాజాగా కాంగ్రెస్‌ కూడా అదే నియోజకవర్గ ఎమ్మెల్యే బొజ్జుపటేల్‌కు డీసీసీ కట్టబెట్టింది. ఇక భౌగోళికంగా రితేశ్‌రాథోడ్‌తోపాటు బొజ్జుపటేల్‌ కూడా నిర్మల్‌ జిల్లావాసులు కాదు. వీరిద్దరూ ఆదిలాబాద్‌ జిల్లాకు చెందినవారు కావడం గమనార్హం. ఖానాపూర్‌ నియోజకవర్గానికి నిర్మల్‌తోపాటు ఆదిలాబాద్‌, మంచిర్యాల జిల్లాల్లోనూ మండలాలు ఉన్నాయి.

పార్టీని బలోపేతం చేస్తా..

పార్టీ తనపై నమ్మకంతో డీసీసీ అధ్యక్ష బాధ్యతలను అప్పగించడాన్ని స్వాగతిస్తున్నాను. పార్టీని మరింత బలోపేతం చేసే బాధ్యతలు పెరిగినట్లు భావిస్తున్నాను. సీఎం రేవంత్‌రెడ్డి, పీసీసీ అధ్యక్షుడు మహేశ్‌కుమార్‌గౌడ్‌ సారథ్యంలో నిర్మల్‌ జిల్లాలో కాంగ్రెస్‌ను బలోపే తం చేయడంతోపాటు రానున్న ఎన్నికల్లో కా ర్యకర్తలు, నాయకుల సమష్టి కృషితో విజ యం సాధిస్తాం. – వెడ్మ బొజ్జుపటేల్‌,ఎమ్మెల్యే