TV
ప్రజాసంక్షేమమే ప్రభుత్వ లక్ష్యం
ఖానాపూర్‌/కడెం/దస్తురాబాద్‌: ప్రజాసంక్షేమమే లక్ష్యంగా కాంగ్రెస్‌ ప్రభుత్వం పనిచేస్తోందని ఖానా పూర్‌ ఎమ్మెల్యే వెడ్మ బొజ్జు పటేల్‌ అన్నారు. ఖానా పూర్‌ పట్టణంలోని ఎంపీడీవో కార్యాలయ సమావేశమందిరంలో , కడెం, దస్తురాబాద్‌ మండల కేంద్రాల్లోని రైతు వేదికల్లో ఇందిరా మహిళ శక్తి కార్యక్రమంలో మహిళలకు శనివారం చీరలు పంపిణీ చేశారు. గత ప్రభుత్వం నాసిరకం చీరలు పంపిణీ చేసిందని, తాము నాణ్యమైన చీరలు అందిస్తున్నామని తెలిపారు. ప్రతీ మహిళకు మహిళా సంఘాల సభ్యులు వారివారి ఇళ్లకు వచ్చి బొట్టు పెట్టి చీరలు పంపిణీ చేస్తారని వివరించారు. పట్టణంలో పెండింగ్‌లో ఉన్న రోడ్డు వైడింగ్‌ పనులు త్వరలోనే ప్రారంభిస్తామన్నారు. రోడ్డుకు ఇరువైపులా ఉన్న వ్యాపారులు, నివాసం ఉంటున్నవారు అభివృద్ధికి సహకరిస్తామని హామీ ఇచ్చారని తెలిపారు. కార్యక్రమంలో జెడ్పీ సీఈవో గోవింద్‌, డీఆర్డీవో విజయలక్ష్మి, తహసీల్దార్లు ప్రభాకర్‌, విశ్వంభర్‌, ఏపీఎం గంగాధర్‌, ఏపీవో జయదేవ్‌, బీపీఎం శోభరాణి, మహిళా కాంగ్రెస్‌ జిల్లా అధ్యక్షురాలు దుర్గభవాని, నాయకులు భూషణ్‌, ఎంఏ.మాజిద్‌, తోట సత్యం, చిన్నం సత్యం, దయానంద్‌, నిమ్మల రమేశ్‌, జంగిలి శంకర్‌, శేషాద్రి, పొద్దుటూరి సతీశ్‌రెడ్డి, దుర్గం మల్లేశ్‌, రమేశ్‌రావు, పుల్యానాయక్‌, రాజేశం, మల్లికార్జున, వెంకటనర్సయ్య తదితరులు పాల్గొన్నారు.
