TV
సామూహిక ‘వందేమాతరం’ ఆలాపన
నిర్మల్‌ రూరల్‌/ఖానాపూర్‌: స్వాతంత్య్ర ఉద్యమంలో కోట్లాది మంది భారతీయుల్లో ‘వందేమాతరం’ గేయం దేశభక్తిని నింపిందని బీజేఎల్పీ నేత, ఎమ్మెల్యే ఏలేటి మహేశ్వర్‌రెడ్డి, బీజేపీ జిల్లా అధ్యక్షుడు రితీష్‌ రాథోడ్‌ అన్నారు. వందేమాతరం రచించి 150 ఏళ్లు పూర్తయిన సందర్భంగా జిల్లా కేంద్రంలోని సోఫీనగర్‌ తెలంగాణ బాలికల గురుకుల పాఠశాలలో, ఖానాపూర్‌ పట్టణంలోని ఎన్టీఆర్‌ చౌరస్తాలో సామూహికంగా వందేమాతరం ఆలపించారు. బంకించంద్ర చటర్జీ జ్ఞాపకార్థం, యువతలో దేశభక్తిని పెంపొందించేందుకు కేంద్రం వేడుకలు కేంద్రం నిర్వహిస్తోందని తెలిపారు. 10వ తరగతి విద్యార్థిని శ్రీజ అరగంటలో ఎమ్మెల్యే చిత్రపటాన్ని వేసి బహూకరించారు. అనంతరం ఖేలో ఇండియా పోటీల విజేతలుగా నిలిచిన విద్యార్థులకు ఎమ్మెల్యే మహేశ్వర్‌రెడ్డి మెడల్స్‌ అందజేశారు. డీఈవో భోజన్న, ప్రిన్సిపాల్‌ డేనియల్‌, దేవేందర్‌, ఎంఈవో సంధ్యారాణి, బీజేపీ నాయకులు రావుల రాంనాథ్‌, మేడిసెమ్మ రాజు, సత్యం చంద్రకాంత్‌, విలాస్‌, కార్తీక్‌, సాయి, ఆకుల శ్రీనివాస్‌, రవీందర్‌రెడ్డి, శ్రీనివాస్‌, ఉపేందర్‌, మనోజ్‌, కిషన్‌, అశోక్‌, అనిల్‌రావు, రమేశ్‌, సురేందర్‌, దాసరి శ్రీనివాస్‌, రవీందర్‌ యాదవ్‌ తదితరులు పాల్గొన్నారు.
