ఎన్‌ఎంఎంఎస్‌ పరీక్షకు ఏర్పాట్లు పూర్తి

ఎన్‌ఎంఎంఎస్‌ పరీక్షకు ఏర్పాట్లు పూర్తి

నిర్మల్‌ రూరల్‌: జిల్లాలో ఆదివారం జరిగే నేషనల్‌ మీన్‌ కంమెరిట్‌ స్కాలర్షిప్‌ పరీక్షకు అన్ని ఏర్పాట్లు పూర్తి చేసినట్లు డీఈవో భోజన్న తెలిపారు. 84 ప్రభుత్వ పాఠశాలల నుంచి 1,043 మంది విద్యార్థులు పరీక్షకు హాజరవుతారని పేర్కొన్నారు. పరీక్షకు ఖానాపూర్‌ పట్టణంలోని బాలికల పాఠశాల, జిల్లా కేంద్రంలోని జుమ్మెరాత్‌పేట్‌ పాఠశాల, కస్బా పాఠశాల, భైంసా పట్టణంలోని బాలికల ఆశ్రమ పాఠశాల, ప్రభుత్వ బాలుర పాఠశాలలో కేంద్రాలు ఏర్పాటు చేసినట్లు వివరించారు. పరీక్ష ఉదయం 9:30 నుంచి మధ్యాహ్నం 12:30 గంటల వరకు ఉంటుందని తెలిపారు. విద్యార్థులు కేంద్రాలకు అరగంట ముందే చేరుకోవాలని సూచించారు. నిమిషం ఆలస్యమైనా అనుమతించమని స్పష్టం చేశారు. ఫ్లయింగ్‌ స్క్వాడ్‌, సిట్టింగ్‌ స్క్వాడ్‌, సెంటర్‌ లేవల్‌ అబ్జర్వర్లతోపాటు చీఫ్‌ సూపరింటెండెంట్‌, డిపార్ట్‌మెంట్‌ అధికారులు పరీక్షను పర్యవేక్షిస్తారని వెల్లడించారు. పరీక్ష కేంద్రాలలో మెడికల్‌ సిబ్బంది అందుబాటులో ఉంటారని తెలిపారు.