TV
నిర్మల్‌ ఏఎస్పీగా సాయికిరణ్‌
● భైంసా ఏఎస్పీగా రాజేశ్‌మీనా
నిర్మల్‌టౌన్‌/భైంసాటౌన్‌: రాష్ట్రంలో పలువురు ఐపీఎస్‌లను బదిలీ చేస్తూ ప్రభుత్వం శుక్రవారం ఉత్తర్వులు జారీ చేసింది. ఇందులో భాగంగా నిర్మల్‌ ఏఎస్పీగా పనిచేస్తున్న రాజేశ్‌మీనాను భైంసా ఎస్డీపీవోగా బదిలీ చేశారు. పత్తిపాక సాయికిరణ్‌ నిర్మల్‌ ఏఎస్పీగా నియమితులయ్యారు. భైంసా ఎస్డీపీవోగా పనిచేస్తున్న అవినాష్‌కుమార్‌ను కొత్తగూడెం అదనపు ఎస్పీగా బదిలీ చేశారు. 2024, జూలై 4 భైంసా ఏఎస్పీగా బాధ్యతలు స్వీకరించిన అవినాష్‌ కుమార్‌ భైంసా పోలీస్‌ సబ్‌ డివిజన్‌లో శాంతి భద్రతల పరిరక్షణలో తనదైన ముద్ర వేశారు. అసాల్ట్‌ కమాండర్‌(గ్రేహౌండ్స్‌)గా పని చేసిన ఆయన తొలుత భైంసాలో ఏఎస్పీగా బాధ్యతలు చేపట్టగా, ఇటీవలే అదనపు ఎస్పీగా పదోన్నతి పొందారు. బిహార్‌ రాష్ట్రానికి చెందిన ఆయన, రూర్కీ ఐఐటీలో ఇంజినీరింగ్‌ పూర్తి చేసి, 2021లో ఐపీఎస్‌గా ఎంపికయ్యారు.
