TV
ఉచిత లడ్డూ కొనసాగించాలి
బాసర: బాసర శ్రీజ్ఞానసరస్వతి ఆలయంలో 150 రూపాయలు అక్షరాభ్యాసం టికెట్‌ కొనుగోలు చేసినవారికి అందించే ఉచిత లడ్డూను కొనసాగించాలని హిందూ సంఘాల ప్రతినిధులు కోరారు. అభిషేకం లడ్డూ ధర రూ.100 నుంచి రూ.150కి పెంచడాన్ని తప్పు పట్టారు. ఈమేరకు ఆలయ ఏఈవో సుదర్శన్‌గౌడ్‌ను శుక్రవారం కలిసి వినతిపత్రం ఇచ్చారు. ఆలయంలో జరుగుతున్న అవకతవకలపై ఆలయ అధికారులతో చర్చించారు. ఆలయాన్ని ఒక వ్యాపార కేంద్రంగా ఎండోమెంట్‌ అధికారులు చూడడంపై ఆగ్రహం వ్యక్తం చేశారు. కార్యక్రమంలో రాష్ట్రీయ శివాజీ సేన సమితి అధ్యక్షుడు పన్నెంవార్‌ శ్రీహరి, కార్యదర్శి చేతన్‌, కార్యకర్త శేఖర్‌, అనిల్‌ కదం, బాలాజీగౌడ్‌ తదితరులు పాల్గొన్నారు.
