TV
క్యాన్సర్‌ రోగులకు ఊరట
న్యూస్‌రీల్‌
నిర్మల్‌
రాష్ట్రస్థాయి చిత్రలేఖనం
పోటీల్లో ప్రతిభ
సారంగపూర్‌: మండలంలోని జామ్‌ సాంఘిక సంక్షేమశాఖ బాలికల గురుకుల విద్యాలయానికి చెందిన డి.వైష్ణవి రాష్ట్రస్థాయి చిత్రలేఖనం పోటీల్లో ప్రతిభ చాటింది. విద్యుత్‌, ఇంధన వనరుల సంరక్షణ అంశంపై ఇంధన మంత్రిత్వ శాఖ ఆధ్వర్యంలో హైదరాబాద్‌లో శుక్రవారం నిర్వహించిన చిత్రలేఖనం పోటీల్లో వైష్ణవి గీసిన చిత్రం న్యాయ నిర్ణేతలను మెప్పించింది. రూ.7,500 నగదు పురస్కారం అందుకుంది. వైష్ణవిని ప్రిన్సిపాల్‌ సంగీత, సిబ్బంది అభినందించారు.
నిర్మల్‌చైన్‌గేట్‌: క్యాన్సర్‌.. చాపకింద నీరులా విస్తరిస్తోంది. జిల్లాలో బాధితుల సంఖ్య పెరుగుతోంది. ఆహారపు అలవాట్లు, వాతావరణం, రసాయనాలు, కాలుష్యం ప్రభావంతో చాలా మంది క్యాన్సర్‌ బారిన పడుతున్నారు. ఇటీవల నిర్వహించిన స్వస్థ నారీ, సశక్త్‌ పరివార్‌ అభియాన్‌ కార్యక్రమంలో వెయ్యికిపైగా మహిళల్లో క్యాన్సర్‌ స్క్రీనింగ్‌ చేశారు. రాష్ట్ర వ్యాప్తంగా వ్యాధిగ్రస్తులు పెరుగుతుండడంతో చికిత్సను కూడా అందుబాటులోకి తేవాలని రాష్ట్ర ప్రభుత్వం నిర్ణయించింది. ఈ క్రమంలో కీమోథెరపీ, పాలియేటివ్‌ కేర్‌ సేవలు జిల్లా ఆస్పత్రుల్లో అందుబాటులోకి తెచ్చింది. చికిత్స కోసం హైదరాబాద్‌, ఆదిలాబాద్‌, కరీంనగర్‌ వంటి నగరాలకు వెళ్లాల్సిన అవసరం లేకుండా పోయింది. ప్రభుత్వ జనరల్‌ ఆస్పత్రి(జీజీహెచ్‌)లో ఈ సేవలు ప్రారంభమవడంతో రోగులకు దూర భారం తప్పింది.
‘డే కేర్‌’తో చికిత్సతో సౌకర్యవంతం..
ఈ సెంటర్‌లో చికిత్స పొందే రోగులు ఉదయం వచ్చి కీమోథెరపీ లేదా పాలియేటివ్‌ కేర్‌ పొందిన తర్వాత సాయంత్రానికి గృహాలకు తిరిగి వెళ్లవచ్చు. దీని వలన దూరప్రాంతాలకు వెళ్లే వారికి వసతి, ప్రయాణ భారం తగ్గుతుంది. రోగులు చికిత్సను మధ్యలో నిలిపివేస్తే వ్యాధి మళ్లీ దాడి చేసే అవకాశం ఉంటుంది. రేడియేషన్‌, కీమోథెరపీ, మందుల వినియోగం నిరంతరంగా కొనసాగించాల్సిన అవసరం ఉందని వైద్యులు హెచ్చరిస్తున్నారు. గ్రామీణులకు అవగాహన లేక చికిత్స మధ్యలో ఆపేస్తున్నారు. డే కేర్‌ సెంటర్‌తో అందరూ చికిత్స పొందే అవకాశం ఉంటుంది.
రాష్ట్రవ్యాప్తంగా సదుపాయాలు..
వైద్య, ఆరోగ్యశాఖ ఆధ్వర్యంలో రాష్ట్రంలోని పలు ప్రభుత్వ ఆస్పత్రుల్లో క్యాన్సర్‌ డే కేర్‌ సెంటర్లను ఏర్పాటు చేశారు. నిర్మల్‌ జీజీహెచ్‌లో కూడా ఈ సెంటర్‌ ప్రారంభించారు. మెడికల్‌ సూపరింటెండెంట్‌ డాక్టర్‌ గోపాల్సింగ్‌ ఆధ్వర్యంలో ప్రారంభమైన ఈ సేవలను జనరల్‌ సర్జన్‌ డాక్టర్‌ కె.రఘు, అనస్తీషియా డాక్టర్‌ నళిని పర్యవేక్షిస్తున్నారు. ఇందుకోసం ప్రత్యేక వార్డును ఏర్పాటు చేశారు. రోగుల సంఖ్యను బట్టి పడకల సంఖ్యను పెంచనున్నట్లు వైద్యాధికారులు తెలిపారు.
వైద్యులకు శిక్షణ..
డీఎంఈ ఆధ్వర్యంలో జీజీహెచ్‌ వైద్యులు, నర్సింగ్‌ సిబ్బందికి ప్రత్యేక శిక్షణ ఇచ్చారు. కీమోథెరపీ కోసం అవసరమైన మందులు, పరికరాలు ఇప్పటికే అందించారు. హైదరాబాద్‌లోని ఎంఎన్‌జే క్యాన్సర్‌ ఆస్పత్రి నుంచి నిర్ధారణ పొందిన రోగులను తదుపరి చికిత్సకు నిర్మల్‌ జీజీహెచ్‌ డే కేర్‌ సెంటర్‌కి రిఫర్‌ చేస్తున్నారు. అవసరమైతే ప్రత్యేక కేసులను తిరిగి ఎంఎన్‌జేకి పంపిస్తున్నారు.
జిల్లాలో రోగుల వివరాలు..
కీమోథెరపీకి నమోదు చేసుకున్నవారు 16
ఇటీవలి స్క్రీనింగ్‌లో క్యాన్సర్‌ గుర్తించినవారు 1,200
క్యాన్సర్‌ రోగులకు ఊరట
