TV
పొన్కల్‌ పాఠశాలకు ఐరన్‌ మ్యాన్‌ విరాళం
మామడ: మండలంలోని పొన్కల్‌ జిల్లా పరిషత్‌ సెకండరీ పాఠశాలకు ఐరన్‌మ్యాన్‌ ఆఫ్‌ ఇండియా చాంపియన్‌ డాక్టర్‌ నర్సింహారెడ్డి రూ.75 వేల విలువైన 25 ఫ్యాన్లను శుక్రవారం అందించారు. ఈ సందర్భంగా ఏర్పాటు చేసిన సమావేశంలో మాట్లాడారు. విద్యార్థులు తమకు ఇష్టమైన రంగాలను ఎంచుకుని అందులో రాణించాలన్నారు. ఉపాధ్యాయులను, సమాజంలో విజయాలు సాధించిన వారిని స్ఫూర్తిగా తీసుకుని ముందుకెళ్లాలని సూచించారు. అనంతరం నర్సింహారెడ్డిని ఉపాధ్యాయులు, విద్యార్థులు సత్కరించారు. పొన్కల్‌ గ్రామానికి చెందిన రిటైర్డ్‌ కండక్టర్‌ కటకం సుదర్శన్‌ పాఠశాల గ్రంథాలయానికి రూ.10 వేల విలువ చేసే పుస్తకాలు అందించారు. కార్యక్రమంలో పాఠశాల ప్రధానోపాధ్యాయుడు మైస అరవింద్‌కుమార్‌, వీడీసీ సభ్యులు ఉమేష్‌, గంగారెడ్డి, లింగన్న, నర్సారెడ్డి, భూమేశ్వర్‌, నరేశ్‌రెడ్డి, ముత్యంరెడ్డి తదితరులు పాల్గొన్నారు.
