రైతులకు నాణ్యమైన విత్తనాలు

రైతులకు నాణ్యమైన విత్తనాలు

దిలావర్‌పూర్‌: రాష్ట్ర ప్రభుత్వం రైతుల ప్రయోజనాలు దృష్టిలో ఉంచుకుని నాణ్యమైన విత్తనాలు అందిస్తోందని రాష్ట్ర విత్తనాభివృద్ధి సంస్థ చైర్మన్‌ అన్వేశ్‌రెడ్డి తెలిపారు. దిలావర్‌పూర్‌లోని ప్రాథమిక వ్యవసాయ సహకార సంఘాన్ని శుక్రవారం సందర్శించారు. సంఘం అభివృద్ధిని తెలుసుకుని రైతులతో మాట్లాడారు. విత్తనాలు, ఎరువులు, కొనుగోలు కేంద్రాలు ఎలా ఉన్నాయని ఆరా తీశారు. అనంతరం పీఏసీఎస్‌ చైర్మన్‌ పీవీ.రమణారెడ్డి ఆయనను సన్మానించారు. ఇందులో వ్యవసాయాధికారి రాజశేఖర్‌రెడ్డి, సంఘ డైరెక్టర్‌ పల్లె సుధాకర్‌రెడ్డి, కాంగ్రెస్‌ మండల అధ్యక్షుడు కట్కం రాజారెడ్డి, నాయకులు కోండ్ర బక్కన్న, పాల్దె అనిల్‌, పాల్దె శ్రీనివాస్‌, విత్తన పంపిణీదారులు ముస్కు నవీన్‌రెడ్డి, కోడె ప్రణయ్‌, సొసైటీ సీఈవో సుకుమార్‌, రైతులు పాల్గొన్నారు.