TV
గ్రంథాలయాలను సద్వినియోగం చేసుకోవాలి
● గ్రంథాలయ సంస్థ జిల్లా చైర్మన్‌ అర్జుమన్‌ అలీ
నిర్మల్‌ రూరల్‌: యువత గ్రంథాలయాలను సద్వినియోగం చేసుకోవాలని గ్రంథాలయ సంస్థ జిల్లా చైర్మన్‌ అర్జుమన్‌ అలీ అన్నారు. 58వ జాతీయ గ్రంథాలయ వారోత్సవాలు ముగింపును గురువారం జిల్లా గ్రంథాలయంలో నిర్వహించారు. నిరుద్యోగులు, యువత కోసం జిల్లా గ్రంథాలయంలో అన్ని ఏర్పాట్లను చేశామన్నారు. పోటీ పరీక్షలకు అవసరమైన పుస్తకాలు, వార్తాపత్రికలు అందుబాటులో ఉంచామన్నారు. వారం రోజులపాటు నిర్వహించిన వివిధ పోటీల విజేతలకు బహుమతులు ప్రదానం చేశారు. కాంగ్రెస్‌ పట్టణ అధ్యక్షుడు నాందేడపు చిన్ను, టీఎన్జీవో జిల్లా అధ్యక్షుడు ప్రభాకర్‌, యూత్‌ కాంగ్రెస్‌ అధ్యక్షుడు సమరసింహారెడ్డి, గణేశ్‌, వసంతరావు, భిక్షపతి నాయక్‌, ఆశాకిరణ్‌, గ్రంథాలయ సిబ్బంది విజయశ్రీ, కటకం సంజీవరెడ్డి, రాథోడ్‌ మోహన్‌సింగ్‌, పృథ్వీరాజ్‌, లెనిన్‌, బాబురావు పాల్గొన్నారు.
