TV
కలెక్టర్‌కు ఘన స్వాగతం..
నిర్మల్‌ఖిల్లా: ఢిల్లీలోని విజ్ఞాన్‌ భవన్‌లో ఈ నెల 18న కేంద్ర జలశక్తి మంత్రి సీఆర్‌.పాటిల్‌ చేతుల మీదుగా ప్రతిష్టాత్మక ‘‘జల సంచయ్‌ – జన భాగీ దారి’’పురస్కారం స్వీకరించి గురువారం కలెక్టరేట్‌కు వచ్చిన కలెక్టర్‌ అభిలాష అభినవ్‌కు అధికారులు ఘన స్వాగతం పలికారు. పూలమాలలు వేశా రు. బ్యాండ్‌ మేళాతో ప్రధాన గేటు నుంచి కార్యాలయం లోపలికి తోడ్కొని వచ్చారు. పూల మొక్కలు అందజేసి శుభాకాంక్షలు తెలిపారు. దీంతో కలెక్టరేట్‌ ప్రాంగణం సందడిగా మారింది. ఈ సందర్భంగా కలెక్టర్‌ మాట్లాడుతూ జాతీయ స్థాయి జల అవార్డుల్లో భాగంగా దక్షిణాది రాష్ట్రాల విభాగంలో నిర్మల్‌ జిల్లా రెండవ స్థానంలో నిలవడం గర్వకారణమని అన్నారు. జిల్లాకు కోటి రూపాయల రివార్డు లభించడం విశేషమని తెలిపారు. అధికారుల సమష్టి కృషి, ప్రజల విలువైన భాగస్వామ్యంతోనే ఈ ఘనత సాధ్యమైందని పేర్కొన్నారు.
