యువజనోత్సవాల్లో ట్రిపుల్ఐటీ విద్యార్థి ప్రతిభ
బాసర:సిద్దిపేటలోని విపంచి కళానిలయంలో నవంబర్ 18న జిల్లాస్థాయి యువజన సేవలు, క్రీడల విభాగం ఆధ్వర్యంలో ఉపన్యాస పోటీలు నిర్వహించింది. ఈ పోటీల్లో బాసర ట్రిపుల్ ఐటీ ఈ3 సీఎస్ఈ విద్యార్థి సాయికిరణ్ మొదటి స్థానం సాధించాడు. ‘ఆధునిక భారతదేశ నిర్మాణంలో యువత పాత్ర’ అనే అంశంపై పోటీలు నిర్వహించారు. 2047 నాటికి అభివృద్ధి చెందిన భారతదేశాన్ని రూపొందించడానికి ప్రజాస్వామ్య ప్రక్రియలో యువతను భాగస్వాములను చేయడానికి కావాల్సిన కార్యాచరణ, ఎదురయ్యే సవాళ్లను వివరించాడు. ఉపన్యాసంలో ప్రతిభ చాటిన సాయి కిరణ్ను ట్రిపుల్ ఐటీ ఇన్చార్జి వీసీ గోవర్ధన్ గురువారం అభినందించారు. కార్యక్రమంలో ఓఎస్డీ ప్రొఫెసర్ మురళీదర్శన్, డీన్లు విఠల్, మహేశ్, శేఖర్ పాల్గొన్నారు.


