మున్సిపల్.. పైసావసూల్

నిర్మల్‌ మున్సిపాలిటీ

భైంసాటౌన్‌: కేంద్ర ఆహారం, ప్రజాపంపిణీ శాఖ మంత్రి ప్రహ్లాద్‌ జోషిని ముధోల్‌ ఎమ్మెల్యే పి.రామారావు పటేల్‌ ఢిల్లీలో గురువారం కలి శారు. నియోజకవర్గంలో సోయా రైతులు ఎదుర్కొంటున్న సమస్యను వివరించారు. భారీ వర్షాల కారణంగా సోయా రంగు మారడంతో కొనుగోలుకు నిరాకరిస్తున్నారని తెలిపారు. ఈ సీజన్‌లో ఎఫ్‌ఏక్యూ(ఫెయిర్‌ ఆవరేజ్‌ క్వాలిటీ) నిబంధనల్లో ప్రత్యేక సడలింపు ఇచ్చి, రంగు మారిన సోయా కొనుగోలు చేసేలా ఆదేశాలు జారీ చేయాలని కోరారు. సానుకూలంగా స్పందించిన మంత్రి త్వరలోనే సంబంధిత అధికా రులతో చర్చించి, చర్యలు తీసుకుంటామని హామీ ఇచ్చినట్లు ఎమ్మెల్యే తెలిపారు.

నిర్మల్‌: జిల్లాలోని బల్దియాలు అవినీతికి అడ్డాగా మారుతున్నాయి. విధులను పర్యవేక్షించే అధికారు ల నిర్లక్ష్యం, పాలకుల పట్టింపులేనితనంతో మున్సి పాలిటీల పని పూర్తిగా పైసావసూల్‌గా మారింది. ప్రతీపనికో రేటు కట్టి మరీ ప్రజలనుంచి వసూళ్లకు పాల్పడుతున్నారు. కిందిస్థాయి సిబ్బంది మొదలు కమిషనర్‌లదాకా వాటాలు ముడుతున్నాయి.

అక్రమ మ్యుటేషన్లు..

నిర్మల్‌, భైంసా, ఖానాపూర్‌ మున్సిపాలిటీల్లో అక్రమ మ్యుటేషన్లు సర్వసాధారణమయ్యాయి. తాజాగా భైంసా మున్సిపాలిటీలో కమిషనర్‌, సబ్‌రిజిస్ట్రార్‌ పరిమితులు దాటిన నకిలీ పత్రాలతో బ్రాహ్మణగల్లీలోని ఆస్తిని అక్రమంగా మరోవ్యక్తి పేరిట మార్చారని ఫిర్యాదు మేరకు భైంసా పోలీసులు ఆరా తీయగా, కొంతమంది వ్యక్తులు కలిసి అక్రమంగా మ్యుటేషన్‌ చేయించుకుని సదరు ఆస్తిని రిజిస్ట్రేషన్‌ చేయించుకున్నట్లు తేలింది. గతంలో నిర్మల్‌లోనూ ఇదేతరహాలో అక్రమంగా మ్యుటేషన్‌లు చేస్తూ కాంట్రాక్టు సిబ్బంది, కిందిస్థాయి ఉద్యోగి ఏసీబీకి చిక్కారు.

కమిషనర్‌ నుంచి సబ్‌రిజిస్ట్రార్‌ వరకు వాటాలు..

మున్సిపాలిటీల పని పర్యవేక్షణలో ఉన్న ముఖ్య అధికారులు తమ బాధ్యతలను విస్మరిస్తూ, అక్రమ వసూళ్లకు పాల్పడుతున్నారనే ఆరోపణలు ఉన్నాయి. ఇళ్ల పర్మిషన్లు, నిర్మాణ అనుమతులు మొదలగు పనులకు మామూలు ముట్టజెప్పాల్సిందే. మ్యుటేషన్లతోపాటు ఆర్థికపరమైన లావాదేవీలన్నింటిలో సంబంధిత విభాగం సిబ్బంది మొదలుకుని కమిషనర్‌ వరకు పంపకాలు ఉండటం గమనార్హం. భైంసా ఘటనలోనూ ఇదే విషయాన్ని పోలీసులు వెల్లడించారు. కొంతమంది సబ్‌రిజిస్ట్రార్‌లు కేవలం డబ్బులను చూసి సంతకాలు పెడుతూ ఆస్తుల రిజిస్ట్రేషన్లు చేస్తుండటం విస్తుగొల్పుతోంది. భైంసా మున్సిపల్‌లో మ్యుటేషన్‌ ఘటనకు సంబంధించి అక్కడి సబ్‌రిజిస్ట్రార్‌పైనా కేసు నమోదైనట్లు తెలుస్తోంది. ప్రస్తుతం మున్సిపల్‌ కమిషనర్‌, సబ్‌రిజిస్ట్రార్‌ పరారీలో ఉండగా, మిగిలినవారిని అదుపులోకి తీసుకున్నట్లు పోలీసులు పేర్కొన్నారు.

పర్యవేక్షణ లోపం..

జిల్లా కేంద్రంలోని బల్దియాలోనే ఏం జరుగుతున్నా.. పైఅధికారులు పట్టించుకోవడం లేదు. ఇక భైంసా, ఖానాపూర్‌ విషయం లెక్కలోకే తీసుకోవడం లేదన్న విమర్శలు ఉన్నాయి. స్థానిక సంస్థల అదనపు కలెక్టర్‌కు ప్రత్యేకాధికారి బాధ్యతలు ఉన్నా.. పక్కాగా పర్యవేక్షించడం లేదన్న ఆరోపణలు వస్తున్నాయి. పట్టణాల్లో సమస్యలు పేరుకుపోతుంటే పట్టించుకోవడం లేదు కానీ.. పైసలిస్తే మున్సిపాలిటీల్లో ఏ పనైనా చేస్తున్నారన్న ఫిర్యాదులు వస్తున్నాయి.