TV
న్యాయం వేగంగా అందాలి
నిర్మల్‌ రూరల్‌:ప్రజలకు న్యాయం వేగంగా అందేలా చర్యలు తీసుకోవాలని డీజీపీ శశిధర్‌రెడ్డి పేర్కొన్నారు. జనవరి నుంచి సెప్టెంబర్‌ వరకు క్రైం రివ్యూ మీటింగ్‌ ఆన్‌లైన్‌లో గురువారం నిర్వహించారు. రాష్ట్రవ్యాప్తంగా నేర పరిస్థితులు, కేసుల విచారణ, పురోగతి, శాంతి భద్రతలు, మహిళా శిశు భద్రత, సైబర్‌ నేరాల నియంత్రణ తదితర అంశాలపై సమీక్షించారు. ఎస్పీ జానకీషర్మిల జిల్లా నేర గణాంకాలు, పెండింగ్‌ కేసులు, దర్యాప్తుల పురోగతి, నేర నియంత్రణకు తీసుకుంటున్న చర్యలను వివరించారు. డీజీపీ మాట్లాడుతూ.. దర్యాప్తుల నాణ్యతను మరింత మెరుగుపర్చాలని సూచించారు. వచ్చిన కేసులను త్వరగా విచారణ చేయాలని తెలిపారు. ఎస్పీ జానకీషర్మిల మాట్లాడుతూ.. ముధోల్‌, బాసర ప్రాంతాలలో రాత్రి పెట్రోలింగ్‌ ప్రారంభించినట్లు తెలిపారు. ఇందులో భైంసా అడిషనల్‌ ఎస్పీ అవినాష్‌కుమార్‌, సీఐలు పాల్గొన్నారు.
