నిర్మల్‌

సోషల్‌ మీడియా వేదికలపై

అనుచిత వ్యాఖ్యలు చేయొద్దు

నిర్మల్‌ రూరల్‌: సోషల్‌ మీడియా వేదికలపై అనుచిత లేదా గౌరవం దెబ్బతీసే వ్యాఖ్యలు చేస్తే కఠినచర్యలు తీసుకుంటామని ఎస్పీ జాన కీ షర్మిల బుధవారం ఓ ప్రకటనలో హెచ్చరించారు. సోషల్‌ మీడియాను వినియోగించే ప్రతి ఒక్కరూ బాధ్యతాయుతంగా ఉండాలని సూ చించారు. వ్యక్తులు, ప్రభుత్వ సంస్థలు, మహిళలు, చిన్నారులు, వివిధ వర్గాలు, ధార్మిక భా వాలు, ప్రభుత్వ అధికారులు మొదలైన వారిపై అనుచిత వ్యాఖ్యలు, తప్పుడు వార్తలు లేదా అపోహలు పుట్టించే పోస్టులు పెడితే చట్టపరమైన కఠినచర్యలు ఉంటాయని హెచ్చరించా రు. తప్పుడు వార్తలు ప్రచారం చేసినా లేదా ఒ కరి ప్రతిష్టకు భంగం కలిగించే విధంగా అభ్యంతరకర వ్యాఖ్యలు చేసినా శిక్షార్హులేనని పేర్కొన్నారు. సామాజిక శాంతి భద్రతలు కాపాడటానికి ప్రతి ఒక్కరూ సోషల్‌ మీడియాలో పో స్టులు పెట్టేముందు ఒకటికి రెండుసార్లు ఆలో చించాలని సూచించారు. ఎవరైనా అనుమానాస్పద పోస్టులు గమనించినప్పుడు వెంటనే ‘డయల్‌ 100’ లేదా సమీప పోలీస్‌స్టేషన్‌ను పోన్‌ చేసి తెలుపాలని సూచించారు.

ప్రాజెక్ట్‌ వరదగేట్లకు లీకేజీలేర్పడి దిగువకు వెళ్తున్న నీరు

సారంగపూర్‌: స్వర్ణ ప్రాజెక్ట్‌ నిర్లక్ష్యపు నీడలో కొట్టు మిట్టాడుతోంది. విలువైన సేద్యపు నీరు లీకేజీల రూపంలో గోదావరి పాలవుతుతోంది. నిత్యం వందల క్యూసెక్కుల జలం వృథా అవుతోంది. లీకేజీల కు అడ్డుకట్ట వేసేందుకు సంబంధిత అధికార యంత్రాంగం ఎలాంటి చర్యలు చేపట్టడంలేదు. ప్రాజెక్ట్‌ పూర్తిస్థాయి నీటిమట్టం 1,183 అడుగులు (1.484 టీఎంసీలు) కాగా, ఆరు వరదగేట్లున్నాయి. కుడి, ఎ డమ, మధ్య (జౌళినాలా) ప్రధాన కాలువలున్నా యి. ప్రాజెక్ట్‌ కింద 9వేల ఎకరాల నిర్ధేశిత ఆయకట్టు ఉంది. ఈ ఏడాది ఆశించిన స్థాయికన్నా అధిక వర్షపాతం నమోదు కావడంతో ప్రాజెక్ట్‌ నిండుకుండను తలపిస్తున్నా లీకేజీల్లోంచి దిగువకు వెళ్తోంది.

శాశ్వత చర్యలు శూన్యం

ప్రాజెక్ట్‌ ఆరు వరదగేట్లకు టాప్‌, బాటమ్‌లో ఉన్న రబ్బర్‌ సీళ్లు వేసే ప్రదేశంలో కింది వైపు బ్రెస్ట్‌వాల్‌, పై వైపు గైడ్‌వాల్‌ అంచులు (సిమెంట్‌ కట్టడం) పగిలి కాంక్రీట్‌ తేలడంతో పెద్ద ఎత్తున లీకేజీలేర్పడ్డాయి. గేట్లకు రబ్బర్‌ సీళ్లు వేసినా ఫలితం దక్కలే దు. ఈ విషయాన్ని గతంలో రబ్బర్‌ సీళ్లు వేసేందు కు వచ్చిన టెక్నీషియన్‌లే నిర్ధారించారు. అయినప్పటికీ అప్పట్లో కొత్త రబ్బర్‌సీళ్లు వేయగా లీకేజీలు మాత్రం తగ్గలేదు. దీంతో నిత్యం వందలాది క్యూసెక్కుల సాగునీరు గోదావరిలో కలుస్తోంది. 15 ఏళ్లుగా అధికారులు లీకేజీలకు జనుముతో తాత్కాలిక మరమ్మతులు చేపడుతున్నా పెద్దగా ఫలితం కని పించడంలేదు. లీకేజీలకు మరమ్మతు చేపడుతుండగా సవరించే వాటిని పరిస్థితి ఏర్పడింది.

శాశ్వత మరమ్మతులు చేపడతాం

ప్రాజెక్ట్‌ గేట్ల లీకేజీలకు శాశ్వత మరమ్మతుల నిమిత్తం ఉన్నతాధికారులకు నివేదికలు పంపాం. ప్రాజెక్ట్‌ నీటిమట్టం 1,177 అడుగులకు చేరుకోగానే నిపుణులను పిలిపించి అంచనాలు రూపొందిస్తాం. ఇందుకోసం ఇదివరకే ఒక నిపుణుల బృందాన్ని రప్పించాం. త్వరలోనే వారిచ్చిన నివేదికల ఆధారంగా ప్రతిపాదనలు తయారు చేసి ఉన్నతాధికారులకు పంపిస్తాం. ప్రభుత్వం నుంచి నిధులు మంజూరు కాగానే పనులు ప్రారంభిస్తాం.

– మధుపాల్‌, స్వర్ణ ప్రాజెక్ట్‌ ఏఈ

చివరికి సాగునీరందించాలె

నేను ప్రాజెక్ట్‌ నీటిపై ఆధారపడి ఎకరన్నర వరి సాగుచేస్తున్న. ఏటా రబీ సాగుకు సరిగా నీరందక ఇబ్బందులు పడుతున్న. మేమే డబ్బులు జమచేసి కాలువల్లో పూడిక తీయించుకుంటున్నం. అధికారులు స్పందించి కాలువల్లో పిచ్చిమొక్కలు, పూడిక తొలగించి చివరి ఆయకట్టుకు సాగునీరు అందించాలె.

– ముత్యం, రైతు, జామ్‌

నీటి వృథాను అరికట్టాలె

నాకు ప్రాజెక్ట్‌ మధ్యకాలువ కింద దాదాపు తొమ్మిదెకరాల సాగుభూమి ఉంది. ఇందులో వరి సాగుచేస్తున్న. గేట్ల లీకేజీలతో వరదనీరు గోదావరిలోకి వెళ్తోంది. అధికారులు ఏటా జనుముతో లీకేజీలు సవరించి చేతులు దులిపేస్తున్నరు. ఈసారైనా లీకేజీలకు శాశ్వత పరిష్కారం చేపట్టి నీటి వృథాను అరికట్టాలె.

– సత్యపాల్‌రెడ్డి, రైతు, యాకర్‌పెల్లి

రబీకి సాగునీరు అందేనా?

గేట్ల ద్వారా లీకేజీల రూపంలో విలువైన సేద్యపు నీరు వాగు ద్వారా గోదావరి నదిలో కలిసిపోతుండడంతో రబీ సాగు ప్రశ్నార్థకంగా మారింది. దీంతో ఆయకట్టు రైతులు ఆందోళన చెందుతున్నారు. ఇకనైనా అధికారులు స్పందించి కాలువలకు మరమ్మతులు, పూడికతీత పనులు చేపట్టాలని కోరుతున్నారు. ప్రాజెక్ట్‌ గేట్ల లీకేజీలకు శాశ్వత పరిష్కారం చూపాలని వేడుకుంటున్నారు.

నిర్మల్‌

నిర్మల్‌

నిర్మల్‌