‘వసతి’లో వణుకు

‘వసతి’లో వణుకు

నిర్మల్‌: జిల్లాలో చలి పెరగగా వసతిగృహాల విద్యార్థులు వణికిపోతున్నారు. జిల్లాలోని చాలా హాస్టళ్లల్లో సరిపడా బెడ్‌షీట్లు, కార్పెట్లు లేక విద్యార్థులు ఇళ్ల నుంచి తెచ్చుకున్న దుప్పట్లే కప్పుకొంటున్నారు. కొ న్నిచోట్ల హాస్టల్‌ భవనాలకు తలుపులు, కిటికీలు సరిగా లేవు. దీంతో రాత్రివేళ చాలామంది విద్యార్థులు చలికి గజగజ వణికిపోతున్నారు.

చన్నీటి స్నానమే..

పాఠశాలలు, కాలేజీలకు సమయాని కల్లా విద్యార్థులు స్నానాలు చేసి వెళ్లాల్సి ఉంటుంది. అసలే చలి.. ఆపై చన్నీటి స్నానం చేయాలంటే విద్యార్థులు వణుకుతున్నారు. గడ్డకట్టినట్లు ఉండే నీళ్లతో స్నానాలు చే యాలంటే భయపడి కొందరు మధ్యాహ్నం, సా యంత్ర వేళల్లో స్నానాలు చేస్తున్నారు. గిరిజన సంక్షేమశాఖకు చెందిన కొన్ని గురుకులాల్లోనే హాట్‌వా టర్‌ కోసం సోలార్‌ప్లాంట్లు ఏర్పాటు చేశారు. వీటిలో చాలావరకు పనిచేయడం లేదు. అధికారులు, వార్డెన్ల పర్యవేక్షణ పక్కాగా ఉన్న చోట్ల మాత్రం విద్యార్థులకు స్నానానికి వేడినీళ్లు కాచి ఇస్తున్నారు.

సరిపోని బెడ్‌షీట్లు

జిల్లాలో సాంఘిక సంక్షేమశాఖ హాస్టళ్లు 20 ఉండగా దాదాపు 800మంది విద్యార్థులు, బీసీ సంక్షేమశాఖ హాస్టళ్లు 20 ఉండగా దాదాపు 1,500మంది విద్యార్థులు వాటిలో ఉంటున్నారు. ఇందులో బీసీ హాస్టళ్లకు సంబంధించి విద్యాసంవత్సరం ప్రారంభంలో విద్యార్థులు చేరినప్పుడే బెడ్‌షీట్లు, కార్పెట్లు ఇచ్చిన ట్లు సంబంధిత అధికారులు చెబుతున్నారు. ఇక సాంఘిక సంక్షేమ వసతిగృహాలకు సంబంధించి బె డ్‌షీట్ల పంపిణీ టెండర్లు ఇటీవల కావడంతో ఇంకా విద్యార్థులకు అందలేదు. వారం రోజుల్లో సంబంధి త కాంట్రాక్టర్లు బెడ్‌షీట్లు పంపిణీ చేస్తారని అధికా రులు చెబుతున్నారు. ప్రస్తుతం చాలామంది విద్యార్థులు తమ ఇళ్ల నుంచే దుప్పట్లు తెచ్చుకుంటున్నా రు. కానీ.. కింద వేసుకోవడానికి కార్పెట్లు, బెడ్‌షీట్లు లేక చలికి ఇబ్బంది పడాల్సి వస్తోందని చెబుతున్నా రు. ఇక ప్రభుత్వం అందించే దుప్పట్లు చలిని ఆప డం లేదని తెలిపారు. దీంతో చాలామంది విద్యార్థులు తమ ఇళ్ల నుంచే వాటిని తెచ్చుకుంటున్నారు.

ఊరికి దూరంగా.. చలికి దగ్గరగా..

జిల్లాలో చాలావరకు కేజీబీవీలు, గురుకులాలు, వసతిగృహాలూ ఊళ్లకు, జనావాసాలకు దూరంగా ఉన్నాయి. చుట్టూ ఇళ్లు లేకపోవడం, గుట్టలు, చెరువుల ప్రాంతాలకు దగ్గరగా ఉండటంతో ఆయా గు రుకులాల్లో చలి విపరీతంగా ఉంటోంది. చీకటి పడకముందే విద్యార్థులు వణుకుతున్న పరిస్థితి కనిపిస్తోంది. బెడ్‌షీట్లతో పాటు చలికాలంలో రగ్గులు లే దా, స్వెటర్లను విద్యార్థులకు పంపిణీ చేయాలని త ల్లిదండ్రులు కోరుతున్నారు. చలికి తట్టుకోలేక పిల్ల లు తరచూ జలుబు, దగ్గు, నిమోనియా లాంటి జ్వ రాలబారిన పడుతున్నట్లు ఆవేదన వ్యక్తంచేస్తున్నా రు. జిల్లాలో చాలాచోట్ల వసతిగృహాల్లో విద్యార్థులకు మినరల్‌ వాటర్‌ అందడం లేదు. దీంతో వారు జనరల్‌ వాటర్‌నే తాగుతున్నారు.

వారంలో బెడ్‌షీట్లు వస్తాయి

జిల్లాలోని సాంఘిక్ష సంక్షేమశాఖ వసతిగృహాలకు సంబంధించి బెడ్‌షీట్ల టెండర్లు పూర్తయ్యాయి. వారంలో విద్యార్థులకు సరిపడా బెడ్‌షీట్లు అందిస్తాం. విద్యార్థుల స్నానాలకు వేడినీటిని కాచి ఇవ్వాలని సిబ్బందికి చెబుతున్నాం.

– దయానంద్‌, జిల్లా ఎస్సీ వెల్ఫేర్‌ ఆఫీసర్‌

ఇబ్బందుల్లేకుండా చూస్తాం

జిల్లాలోని 20 వసతిగృహాల్లో దాదాపు 1,500మంది విద్యార్థులున్నారు. దాదాపు అందరికీ బెడ్‌షీట్లు, కార్పెట్లు అందించాం. చలికాలం వేడినీటికి కొంత ఇబ్బందికరంగానే ఉంది. హాస్టల్‌ విద్యార్థులకు ఇబ్బందులు రాకుండా చూస్తాం.

– శ్రీనివాస్‌, జిల్లా బీసీ వెల్ఫేర్‌ ఆఫీసర్‌