సోయా వాపస్‌!

సోయా వాపస్‌!

భైంసా/కుంటాల: జిల్లాలో సోయా రైతులకు క ష్టాలు తప్పడం లేదు. సోయా కొనుగోళ్లలో అధి కారులు మరో తిరకాసు పెట్టారు. కొనుగోలు చే సిన సోయా పంటను నిజామాబాద్‌, ఇతర ప్రాంతాలకు పంపించగా అక్కడి అధికారులు నాణ్యత లేదంటూ తిప్పి పంపిస్తున్నారు. వారం క్రితం గోదాములు నిండుకున్నాయని చెప్పిన సొసైటీ అధికారులు తాజాగా సంచులు తిరిగివస్తున్నాయని చెబుతున్నారు. గోదాముల్లో నిల్వ లు పూర్తయ్యే వరకు కొనుగోళ్లు జరగవని ప్రకటిస్తున్నారు. తానూరులో ఇప్పటివరకు 7,500 క్వింటాళ్లు, బెల్‌తరోడలో 2,200, కుంటాలలో 330 క్వింటాళ్లు కొనుగోలు చేశారు. ఇందులో నా ణ్యతలేదని 500 బస్తాలను తిప్పి పంపించారు.

నిబంధనల మేరకు కొనుగోలు చేసినా..

జిల్లావ్యాప్తంగా మార్క్‌ఫెడ్‌ ఆధ్వర్యంలో 13 కేంకొనుగోలు కేంద్రాలను ప్రారంభించి కొనుగోళ్లు చేపడుతున్నారు. పీఏసీఎస్‌ల ఆధ్వర్యంలో సి బ్బందిని ఏర్పాటు చేసి రైతులకు తేదీల వారీగా టోకెన్లు ఇచ్చి కొనుగోలు చేస్తున్నారు. తేమ శా తం పరిశీలించి యంత్రాల ద్వారా మట్టి పెళ్లలు, తుక్కు, కాయలు తొలగిస్తున్నారు. ప్రైవేట్‌ వ్యా పారులు జల్లెడ పడితే 2నుంచి 5శాతం తగ్గుతోంది. కానీ, కొనుగోలు కేంద్రాల్లో 10నుంచి 20శా తం ఉన్న చిన్నకాయలు జల్లెడ కిందికి వెళ్తున్నా యి. 20క్వింటాళ్లు తీసుకువెళ్లిన రైతుకు జల్లెడ ప ట్టాక 2నుంచి 4క్వింటాళ్ల సోయాలను అప్పుడే తిరిగి ఇచ్చేస్తున్నారు. ఇక తూకం వేసి క్యూఆర్‌ కోడ్‌ జత చేసి సంచులు నిల్వ చేసి ఉంచుతున్నారు. ఇప్పుడేమో తాజాగా గోదాముల నుంచి రిటర్న్‌ వచ్చాయని చెబుతున్నారు.

మద్దతు ధర కోసం నిరీక్షణ

జిల్లా వ్యాప్తంగా 60వేల ఎకరాల్లో సోయా సాగైంది. ఎకరాకు సుమారు ఏడు క్వింటాళ్ల చొప్పున జిల్లా వ్యాప్తంగా 4.20 లక్షల క్వింటాళ్ల దిగుబడి వస్తుందని అంచనా. ఈ ఏడాది ప్రైవేట్‌లో క్వింటాల్‌కు రూ.3,800 నుంచి రూ.4,600 వరకు చె ల్లిస్తున్నారు. ప్రభుత్వం రూ.5,328 మద్దతు ధర ప్రకటించింది. జిల్లాలో మార్క్‌ఫెడ్‌, హాకా ఆధ్వర్యంలో కొనుగోళ్లు జరుగుతుండగా పీఏసీఎస్‌ సిబ్బంది టోకెన్లు ఇచ్చి రైతులకు నిర్ణీత తేదీలు ఇస్తున్నారు. వయస్సు పైబడ్డ మహిళలు, వృద్ధ రైతులు టోకెన్ల కోసం మూడు రోజులపాటు పడిగాపులు కాశారు. జిల్లా వ్యాప్తంగా ఉన్న 13 కేంద్రాల్లో ఇప్పటివరకు 50,233 క్వింటాళ్ల సోయా పంట కొనుగోలు చేశారు. ప్రైవేట్‌ వ్యాపారులు సుమారు 80 వేల క్వింటాళ్లు కొన్నారు. మిగతా పంటను రైతులు నిల్వ చేసుకుని ప్రభుత్వ కొనుగోలు కేంద్రాల్లోనే విక్రయించి మద్దతు ధర పొందేందుకు ఎదురుచూస్తూనే ఉన్నారు.

లేదని తిప్పి పంపుతున్న అధికారులు

ప్రైవేట్‌లో విక్రయిస్తున్న అన్నదాతలు