TV
విద్యార్థి ఆత్మహత్యకు కారకులపై చర్యలు తీసుకోవాలి
నిర్మల్‌ రూరల్‌: ఖానాపూర్‌ మండలంలోని మస్కాపూర్‌ ఉన్నత పాఠశాలలో విద్యార్థి బలవన్మరణాని కి కారకులైన వారిపై కఠినచర్యలు తీసుకోవాలని చాత్ర యువ సంఘర్షణ సమితి జిల్లా వర్కింగ్‌ ప్రెసిడెంట్‌ శీతల్కర్‌ అరవింద్‌ డిమాండ్‌ చేశారు. బుధవారం జిల్లా కేంద్రంలో విలేకరులతో మాట్లాడారు. పాఠశాలలో ప్రధానోపాధ్యాయుడు విద్యార్థికి టీసీ ఇవ్వడంతో బలవన్మరణానికి పాల్పడ్డాడని ఆరో పించారు. బాధ్యులపై జిల్లా విద్యాశాఖ అధికారులు చర్యలు తీసుకోకపోవడం అనుమానాలకు తావి స్తోందని విమర్శించారు. టీసీ ఇచ్చి ఇంటికి పంపడంతోనే అవమానంగా భావించి తమ కొడుకు ఆత్మహత్య చేసుకున్నాడని తల్లిదండ్రులు ఆరోపిస్తున్నారని తెలిపారు. సదరు విద్యార్థికి కౌన్సిలింగ్‌ ఇ వ్వాల్సింది పోయి, టీసీ ఇచ్చి పంపడం ఎంతవరకు సమంజసమని ప్రశ్నించారు. వెంటనే బాధ్యులపై కఠిన చర్యలు తీసుకోవాలని కోరారు. అనంతరం విద్యార్థి తల్లిదండ్రులతో కలిసి డీఈవో భోజన్నకు వినతిపత్రం అందజేశారు. వారి వెంట నాయకులు ఆనంద్‌, జస్వంత్‌ తదితరులున్నారు.
సమావేశంలో మాట్లాడుతున్న అరవింద్‌
