TV
ట్రిపుల్‌ఐటీని సందర్శించిన టీబీఐ బృందం
బాసర: పరస్పర అవగాహన, సహకార ఒప్పందం కోసం జేఎన్టీయూహెచ్‌ టెక్నాలజీ బిజినెస్‌ ఇంక్యుబేటర్‌ (టీబీఐ) ప్రతినిధుల బృందం బుధవారం బాసర ఆర్జీయూకేటీని సందర్శించింది. ట్రిపుల్‌ఐటీ విద్యార్థుల నూతన ఆవిష్కరణలు, వ్యవస్థాపకతలు, అంకుర సంస్థలను ఏర్పాటు చేయాలనే ఆలోచన, ఇతర కార్యక్రమాలను బలోపేతం చేసేందుకే ఈ బృందం ఇక్కడకు వచ్చినట్లు వీసీ ప్రొఫెసర్‌ గోవర్ధన్‌ తెలిపారు. ఆర్జీయూకేటీ, జేఎన్టీయూహెచ్‌ మధ్య పరస్పర సహకార అవకాశాలను సృష్టించేందుకు ఈ ఒప్పందం సహాయ పడనున్నట్లు పేర్కొన్నారు. కార్యక్రమంలో ఓఎస్డీ ప్రొఫెసర్‌ మురళీదర్శన్‌, టీబీఐ ప్రతినిధి బృందం సభ్యులు, అధికారులు డాక్టర్‌ ఆశారాణి, స్వాతి, ఆనందం, నితిన్‌ జో షి, రాకేశ్‌రెడ్డి, విఠల్‌, దిల్‌ బహార్‌, మహేశ్‌, కాశన్న, స్వాతి, కళాశాల విద్యార్థులు పాల్గొన్నారు.
