కొనుగోడు పట్టేదెవరికి?

కొనుగోడు పట్టేదెవరికి?

నిర్మల్‌

ఇళ్ల నిర్మాణం అడ్డుకోవద్దు

గిరిజన గ్రామాల్లో మంజూరు చేసిన ఇళ్ల నిర్మాణ పనులను అటవీశాఖ అధికారులు అడ్డుకోవద్ద ని కొలాం గిరిజనులు ఉట్నూర్‌ ఐటీడీఏ కార్యాలయం ఎదుట ధర్నా నిర్వహించారు.

గ్రంథాలయాలను సద్వినియోగం చేసుకోవాలి

నిర్మల్‌ రూరల్‌: గ్రంథాలయాలను ప్రతి ఒక్క రూ సద్వినియోగం చేసుకోవాలని జిల్లా గ్రంథాలయ చైర్మన్‌ అర్జుమన్‌అలీ సూచించారు. గ్రంథాలయ వారోత్సవాల్లో భాగంగా జిల్లా కేంద్రంలోని గ్రంథాలయంలో సోమవారం నిర్వహించిన కార్యక్రమంలో మాట్లాడారు. నిరుద్యోగులు, విద్యార్థుల కోసం అన్నిరకాల కాంపిటీషన్‌ పుస్తకాలు, వార్తాపత్రికలు గ్రంథాలయాల్లో అందుబాటులో ఉన్నాయని తెలి పారు. కాంగ్రెస్‌ ప్రభుత్వం ఉద్యోగాల భర్తీ చేపట్టడంతో జిల్లాలో అనేక మంది కొలువు సాధించారన్నారు. అనంతరం పాఠకులకు క్విజ్‌ నిర్వహించారు. గ్రంథాలయ అధికారులు విజయ, రాథోడ్‌ మోహన్‌సింగ్‌, కటకం సంజీవరెడ్డి, పృథ్వీరాజ్‌, లెనిన్‌, కాంగ్రెస్‌ పట్టణ అధ్యక్షుడు నాందేడపు చిన్ను, జిల్లా మైనారిటీ అధ్యక్షుడు జునేత్‌ తదితరులు పాల్గొన్నారు.

భైంసా: ఈ ఏడాది కురిసిన భారీ వర్షాలతో ధాన్యం, పత్తి, సోయా పంటలు దెబ్బతిన్నాయి. దిగుబడి గణనీయంగా తగ్గిపోయింది. జిల్లాలో రైతులు తీవ్ర సంక్షోభంలో ఉన్నారు. పంట నష్ట పరిహారం ఇప్పటికీ అందలేదు. వచ్చిన దిగుబడి అమ్ముకుందామంటే కొనుగోళ్లు నిలిచిపోయాయి. పత్తి కొనుగోళ్లను మిల్లరు నిలిపివేశారు. సోయా నిల్వకు గోదాములు లేకపోవడం, నాణ్యత లేదని పొరుగు జిల్లా గోదాముల నుంచి తిప్పి పంపిస్తుండడంతో రైతులు ఇబ్బంది పడుతున్నారు. దీంతో తమ గోడు వినేదెవరు.. సమస్యలు పరిష్కరించేదెవరు అని రైతులు ఆవేదన వ్యక్తం చేస్తున్నారు.

వరికి అందని బోనస్‌..

గత యాసంగి సీజన్‌లో సన్న వరి సాగుకు రైతులు ఎక్కువగా మొగ్గుచూపారు. క్వింటాల్‌కు రూ.500 బోనస్‌ ఇస్తామని ప్రభుత్వం ప్రకటించడంతో రైతులు నష్టాలనూ లెక్కచేయకుండా పంటలు వేశారు. ధాన్యం కొనుగోలు కేంద్రాల్లో విక్రయించారు. కానీ ఇప్పటికీ ఆ బోనస్‌ డబ్బులు రైతులకు చెల్లించలే దు. రైతులకు రూ.12 కోట్ల బోనస్‌ రావాల్సి ఉంది.

సోయా రైతుల తిప్పలు..

జిల్లాలో భారత్‌ కిసాన్‌ సంఘ్‌ పాదయాత్ర తరువాత సోయా కొనుగోళ్లు ప్రారంభమయ్యాయి. కొద్ది రోజులకే కొనుగోళ్లు నిలిపివేశారు. గోదాంలు నిండిపోయాయని, నాణ్యత తక్కువగా ఉందని కారణాలు చెబుతున్నారు. దీంతో సోయా రైతులు రెండు నెలలుగా తమ పంటను అమ్ముకోలేక ఇబ్బందులు పడుతున్నారు. 60 వేల ఎకరాల్లో సోయా సాగు చేయగా ఎకరాకు 7 క్వింటాళ్లు మాత్రమే కొనాలని మార్క్‌ఫెడ్‌ నిర్ణయించింది. మరోవైపు అధికారులు నాణ్యత లేదని చెప్పి తిరస్కరిస్తుండడంతో వారు ప్రైవేటు వ్యాపారులకు రూ.4,200 లకే అమ్ముకుంటున్నారు.

పత్తి రైతులదీ ఇదే పరిస్థితి...

సీసీఐ ద్వారా పత్తి కొనుగోళ్లు ప్రారంభమైనా జిల్లాలో రైతులు ఇబ్బందులు ఎదుర్కొంటున్నారు. ఎల్‌–1, ఎల్‌–2, ఎల్‌–3 నిబంధనలపై జిన్నింగ్‌ మిల్లుల యాజమాన్యాలు నిరసనకు దిగడంతో పత్తి కొనుగోళ్లు పూర్తిగా నిలిచిపోయాయి. మరోవైపు గత ఏడాది ఎకరాకు 12 క్వింటాళ్లు పత్తి కొనుగోలు చేసిన సీసీఐ, ఈసారి 7 క్వింటాళ్లకే పరిమితం చేసింది. వర్షాల ప్రభావంతో పత్తి నాణ్యత తగ్గిపోయింది. సీసీఐ నాణ్యత కొర్రీలతో మద్దతు ధర చెల్లించడం లేదు.

కేటీఆర్‌ భరోసా యాత్ర..

జిల్లా రైతుల సమస్యలు తెలుసుకున్న మాజీ మంత్రి, బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ మంగళవారం భైంసాలో పర్యటించనున్నారు. గాంధీగంజ్‌లో పత్తి రైతులతో సమావేశమై, తేమ శాతం, కొనుగోళ్లు వాయిదాలపై ముఖాముఖి మాట్లాడనున్నారు. ప్రభుత్వంపై ఒత్తిడి తెచ్చే అవకాశం ఉంది.

1/1

కొనుగోడు పట్టేదెవరికి?