సృజనాత్మక శక్తిని వెలికితీయాలి | - | Sakshi
Sakshi News home page

సృజనాత్మక శక్తిని వెలికితీయాలి

Nov 18 2025 5:57 AM | Updated on Nov 18 2025 5:57 AM

సృజనాత్మక శక్తిని వెలికితీయాలి

సృజనాత్మక శక్తిని వెలికితీయాలి

● డీఈవో భోజన్న

నిర్మల్‌ రూరల్‌: విద్యార్థుల్లో దాగిఉన్న సృజనాత్మక శక్తిని ఉపాధ్యాయులు వెలికి తీయాలని డీఈవో భోజన్న సూచించారు. జిల్లా కేంద్రంలోని టీఎన్జీవో భవన్‌లో జిల్లా విద్యాశాఖ, నేషనల్‌ గ్రీన్‌ కోర్‌ ఆధ్వర్యంలో ’వెల్త్‌ ఫ్రం వేస్ట్‌’ అనే అంశంపై సోమవారం వర్క్‌షాప్‌ నిర్వహించారు. నిర్మల్‌ డివిజన్‌ నుంచి 25 పాఠశాలల విద్యార్థులు, ఉపాధ్యాయులు పాల్గొన్నారు. తమ పాఠశాల వ్యర్ధాలు, గృహ వ్యర్ధాల్లోని పనికిరాని వస్తువులు, పర్యావరణానికి హాని కలిగించే వ్యర్థాలైన ప్లాస్టిక్‌ వస్తువులతో అలంకరణ వస్తువులు తయారు చేసి ప్రదర్శించారు. డీఈవో మాట్లాడుతూ.. ఇలాంటి కార్యక్రమాలు నిరంతరంగా నిర్వహించడం ద్వారా విద్యార్థుల్లోని సృజనాత్మకత శక్తిని వెలికి తీయచ్చన్నారు. మానసిక ఉల్లాసాన్ని, పర్యావరణంపై అవగాహన కల్పిస్తూ పర్యావరణానికి హాని కలిగించే ప్లాస్టిక్‌ వ్యర్థాలను ఉపయోగకరంగా మార్చడం బాగుందన్నారు. అనంతరం ఉత్తమ ఎగ్జిబిట్‌ విద్యార్థులకు ప్రశంసాపత్రాలను అందజేశారు. ఇందులో ఎన్జీసీ రాష్ట్ర కోఆర్డినేటర్‌ విద్యాసాగర్‌, పర్యావరణ వేత్త సంపత్‌కుమార్‌, ఎన్జీసీ జిల్లా ఇన్‌చార్జి మోహన్‌రావు, బయోసైన్స్‌ ఫోరం సభ్యులు గంగా సురేశ్‌, సుదర్శన్‌, గైడ్‌ ఉపాధ్యాయులు పాల్గొన్నారు.

Advertisement

Related News By Category

Related News By Tags

Advertisement
 
Advertisement
Advertisement