TV
స్పెషల్‌ క్యాంపెయిన్‌ పకడ్బందీగా చేపట్టాలి
నిర్మల్‌ రూరల్‌: విద్యాశాఖ ఆధ్వర్యంలో పాఠశాలల్లో నిర్వహించే స్పెషల్‌ క్యాంపెయిన్‌ 5.0 ను పకడ్బందీగా చేపట్టాలని వరంగల్‌ ఆర్జేడీ సత్యనారాయణ సూచించారు. జిల్లా కేంద్రంలోని మంజులాపూర్‌ ఉన్నత పాఠశాల, దిలావర్‌పూర్‌ ఉన్నత పాఠశాల, నర్సాపూర్‌ తెలుగు, ఉర్దూ మీడియం ఉన్నత పాఠశాలలను సోమవారం తనిఖీ చేశారు. ఆయా పాఠశాలల్లో జరుగుతున్న స్పెషల్‌ క్యాంపెయిన్‌ను పరిశీలించారు. పాఠశాల పరిసరాల పరిశుభ్రత, వివిధ కమిటీల ఏర్పాటు, పాఠశాలల్లో అవసరంలేని వస్తువులను తొలగించడం, స్వచ్ఛమైన తాగునీటి పరిసరాలు, చెత్తాచెదారం తొలగించడం, పాఠశాల పైకప్పులు శుభ్రంగా ఉంచడం మొదలైన అంశాలను పరిశీలించారు. అదేవిధంగా పాఠశాలల్లో అమలవుతున్న తొలిమెట్టు అమలు తీరును పరిశీలించి విద్యాశాఖ యాప్‌లో నమోదు చేశారు. ఉపాధ్యాయుల కోసం వినియోగించే ఎఫ్‌ఆర్‌ఎస్‌ ప్రక్రియను పటిష్టంగా చేపట్టాలని ప్రధానోపాధ్యాయులకు సూచించారు. ఆయన వెంట విద్యాశాఖ సీఎంవో ప్రవీణ్‌కుమార్‌, దిలావర్‌పూర్‌ ఎంఈవో సదానందం, ఆయా పాఠశాల హెచ్‌ఎంలు ఉన్నారు.
