బీడీలకు సరిపడా తునికాకు ఇవ్వాలి

బీడీలకు సరిపడా తునికాకు ఇవ్వాలి

లక్ష్మణచాంద: 1000 బీడీలకు సరిపడా నాణ్యమైన తునికాకు కంపెనీలు ఇవ్వాలని తెలంగాణ ప్రగతిశీల బీడీ వర్కర్స్‌ యూనియన్‌ రాష్ట్ర కార్యదర్శి కె.రాజన్న అన్నారు. యూనియన్‌ ఆధ్వర్యంలో మండలంలోని వడ్యాల్‌ గ్రామంలో దేశాయి బీడీ హెడ్‌ ఆఫీస్‌ ఎదుట సోమవారం ధర్నా చేశారు. ఈ సందర్భంగా రాజన్న మాట్లాడుతూ కార్మికులు రెక్కలు ముక్కలు చేసుకొని బీడీలు చేస్తుంటే దేశాయి బీడీ యాజమాన్యం తునికాకు కోత విధిస్తూ నాసిరకమైన, పలుగుడు, దొడ్డు, తుని కాకును సరఫరా చేస్తూ శ్రమ దోపిడీ చేస్తోందని ఆరోపించారు. 1000 బీడీలకు సరఫరా చేస్తున్న తునికాతో కేవలం 600 బీడీలు మాత్రమే తయారవుతున్నాయని తెలిపారు. మిగతా 400 బీడీలకు తునికాకు తక్కువ అయి కార్మికులు తమ వేతనం నుంచి కొని కంపెనీకి భర్తీ చేస్తూ నష్టపోతున్నారని మండిపడ్డారు. ఈ దోపిడీని ఆపాలని డిమాండ్‌ చేశారు. ధర్నాలో యూనియన్‌ జిల్లా సహాయ కార్యదర్శి ఎస్‌.గంగన్న, జిల్లా నాయకులు బొడ్డు గౌతమి, మల్లెల వనిత, రాజు, జహీదాబేగం, ప్రీతి, కుంట లత తదితరులు పాల్గొన్నారు.