TV
నేడు భైంసాకు కేటీఆర్‌
భైంసాటౌన్‌: రాష్ట్రంలో కాంగ్రెస్‌ పాలనలో రైతులు అన్నివిధాలా మోసపోతున్నారని బీఆర్‌ఎస్‌ నియోజకవర్గ సమన్వయ సమితి నాయకులు విలాస్‌ గాదేవార్‌, పడకంటి రమాదేవి విమర్శించారు. పట్టణంలోని పార్టీ కార్యాలయంలో సోమవారం మాట్లాడారు. ఈ ఖరీఫ్‌లో భారీ వర్షాలతో రైతులు తీవ్రంగా నష్టపోయారని తెలిపారు. అయినా, రాష్ట్ర ప్రభుత్వం రైతులపై కనికరం లేకుండా వ్యవహరిస్తోందని విమర్శించారు. ప్రభుత్వ పత్తి, సోయా కొనుగోలు కేంద్రాల్లో తేమ, నాణ్యత నిబంధనల పేరిట ఇబ్బంది పెడుతోందని ఆరోపించారు. అందుకే బీఆర్‌ఎస్‌ రైతులకు అండగా ఉంటుందని తెలిపారు. జిల్లా రైతుల కష్టాలు తెలుసుకునేందుకు బీఆర్‌ఎస్‌ వర్కింగ్‌ ప్రెసిడెంట్‌, మాజీ మంత్రి కేటీఆర్‌ మంగళవారం భైంసాకు వస్తున్నట్లు తెలిపారు. రైతులతో ఆయన ముఖాముఖి మాట్లాడతారని పేర్కొన్నారు. పట్టణంలోని గాంధీగంజ్‌లో నిర్వహించే కార్యక్రమానికి రైతులు అధిక సంఖ్యలో రావాలని కోరారు. సమావేశంలో రావుల పోశెట్టి, సురేశ్‌, అబ్దుల్‌వాసే, ఆనంద్‌, తదితరులు ఉన్నారు.
