TV
నిర్మల్‌
న్యూస్‌రీల్‌
పాతవారికే కొత్తగా..
ట్రిపుల్‌ఐటీలో మెస్‌ కాంట్రాక్టుల కేటాయింపుపై విమర్శలు వస్తున్నాయి. నిబంధనలు ఉల్లంఘించిన పాతవారికే మెస్‌లు కట్టబెట్టడంపై ఆరోపణలు వెల్లువెత్తుతున్నాయి.
కేంద్ర మంత్రిని కలిసిన ఎమ్మెల్యేలు
నిర్మల్‌చైన్‌గేట్‌: నిర్మల్‌, ముధోల్‌ నియోజకవర్గాల్లో రహదారుల అభివృద్ధికి కృషి చేయాలని కేంద్ర మంత్రి నితిన్‌ గడ్కరీని మహారాష్ట్రలోని నాగ్‌పూర్‌లో బీజేఎల్పీ నేత ఎమ్మెల్యే ఏలేటి మ హేశ్వర్‌రెడ్డి, ముధోల్‌ ఎమ్మెల్యే రామారావు ప టేల్‌ కోరారు. ఆదివారం మంత్రిని మర్యాదపూర్వకంగా కలిసి వినతిపత్రం అందించారు. ఈ భేటీలో మల్కాజ్‌గిరి ఎంపీ ఈటల రాజేందర్‌, కూడా ఉన్నారు. నిర్మల్‌ జిల్లాలో రహదారుల అభివృద్ధి అంశంపై కేంద్ర మంత్రితో చర్చించినట్లు మహేశ్వర్‌రెడ్డి తెలిపారు. దీనిపై మంత్రి సానుకూలంగా స్పందించినట్లు పేర్కొన్నారు.
నిర్మల్‌చైన్‌గేట్‌: కులాంతర వివాహాలు చేసుకున్న జిల్లాలోని పలువురు యువతీయువకులు ప్రభుత్వం అందించే నగదు ప్రోత్సాహం కోసం ఏళ్లుగా ఎదురుచూస్తున్నారు. కుల రహిత సమాజాన్ని ని ర్మించి అంతరాలను చెరిపివేయాలనే లక్ష్యంతో ప్ర భుత్వం కులాంతర వివాహాలను ప్రోత్సహిస్తోంది. ఈ తరహా వివాహం చేసుకున్న దంపతుల్లో ఒకరు ఎస్సీ అయితేనే ఈ ప్రోత్సాహకానికి అర్హులు. కు లాంతర వివాహాలను ప్రోత్సహించేందుకు ఇస్తున్న ప్రోత్సాహకాన్ని ప్రభుత్వం భారీగా పెంచింది. ఉమ్మడి ఆంధ్రప్రదేశ్‌ రాష్ట్రంలో తొలుత రూ.వెయ్యితో ఈ పథకాన్ని ప్రవేశపెట్టారు. ఆ తర్వాత రూ.10 వేలకు పెంచారు. కొంతకాలం తర్వాత రూ.50 వే లు చేశారు. తెలంగాణ రాష్ట్రం ఏర్పడిన తర్వాత అ ధికారంలోకి వచ్చిన బీఆర్‌ఎస్‌ ప్రభుత్వం ఈ సాయాన్ని రూ.2.50 లక్షలకు పెంచుతూ 2019 నవంబర్‌ 1న ఉత్తర్వులు జారీ చేసింది.
అవసరమైన ధ్రువపత్రాలివే..
వేర్వేరు కులాలకు చెందిన యువతీయువకులు వి వాహం చేసుకుంటే.. పెళ్లికి సంబంధించిన ఆధారా లతో జిల్లా కేంద్రంలోని సాంఘిక సంక్షేమశాఖ ఉప సంచాలకుడి కార్యాలయంలో దరఖాస్తు చేసుకోవా లి. అధికారుల విచారణలో అర్హులుగా గుర్తిస్తే ప్రభుత్వానికి నివేదిక అందిస్తారు. తర్వాత సర్కారు నిధులు మంజూరు చేస్తుంది. వివాహం చేసుకున్న జంట మూడు ఫొటోలు, కుల ధ్రువపత్రాలు, వయస్సు ధ్రువీకరణకు విద్యాసంస్థలు ఇచ్చిన టీసీ, మార్కు ల మెమో, వివాహం చేయించిన అధికారి ధ్రువీకరణ పత్రం, గెజిటెడ్‌ అధికారి ద్వారా పొందిన ఫస్ట్‌ మ్యారేజ్‌ సర్టిఫికెట్‌, వివాహం చేసుకున్న జంట కలిసి తీసిన బ్యాంక్‌ అకౌంట్‌ వివరాలు, వివాహా నికి సాక్షులుగా ఉన్నవారి వివరాలు, ఆదాయ ధ్రువపత్రం, ఆధార్‌, రేషన్‌ కార్డుతో ఈ–పాస్‌ పోర్టల్‌లో పెళ్లయిన ఏడాదిలోపు దరఖాస్తు చేసుకోవాల్సి ఉంటుంది. ఆ తర్వాత ఆయా ఏరియాల సహాయ సాంఘిక సంక్షేమ శాఖాధికారులు వాటిని పరిశీలిస్తారు. అన్నీ సక్రమంగా ఉన్న దరఖాస్తులను ఆన్‌లైన్‌ ద్వా రా జిల్లా షెడ్యూల్‌ కులాల కార్యాలయానికి పంపిస్తారు. అనంతరం వారు కానుకకు అర్హులవుతారు. ప్రభుత్వం ఇచ్చే రూ.2.50లక్షలను సాంఘిక సంక్షేమ శాఖ అధికారులు దంపతుల పేరిట మూడేళ్లకు బ్యాంక్‌లో డిపాజిట్‌ చేస్తున్నారు. దీంతో మూడేళ్ల త ర్వాత అసలుకు రూ.50 వేలు వడ్డీ కలిపి లబ్ధిదారు లకు రూ.3లక్షలు అందేలా చూస్తారు.
అర్హతలున్నా అందని సాయం
నర్సాపూర్‌(జీ) మండలానికి చెందిన ఓ యువకు డు 2022 మార్చి 23న కులాంతర వివాహం చేసుకున్నాడు. 2022 మే 24న ఆన్‌లైన్‌లో అన్ని ధ్రువపత్రాలతో ప్రభుత్వం అందించే రూ.2.50 లక్షల ప్రోత్సాహకానికి దరఖాస్తు చేసుకున్నాడు. మూడేళ్లు దాటినా అతనికి ప్రోత్సాహక నగదు అందలేదు. దీనిపై సంబంధిత అధికారులను అడిగితే ‘జాబితాలో పే రుంది.. త్వరలోనే డబ్బులు నేరుగా బ్యాంక్‌ ఖాతా లో జమవుతాయి’ అని చెప్పారని దరఖాస్తుదారు తెలిపారు. అలాగే, మామడ మండలానికి చెందిన మరో యువకుడు 2024లో కులాంతర వివాహం చేసుకున్నాడు. సంబంధిత శాఖలో రెండేళ్ల క్రితమే ఆన్‌లైన్‌లో దరఖాస్తు చేసుకున్నాడు. కానీ, ఇప్పటివరకు ప్రభుత్వ ప్రోత్సాహం అందలేదు.
కొరవడిన అవగాహన
2024–25 ఆర్థిక సంవత్సరంలో ప్రభుత్వం రూ.15 లక్షలు విడుదల చేయగా ఆరుగురు దరఖాస్తుదారులకు సాయం అందించారు. 2019 నుంచి ఇప్పటివరకు ఇంకా 37 దరఖాస్తులు పెండింగ్‌లో ఉన్నాయి. కులాంతర వివాహాలకు అందించే ప్రోత్సాహకాలపై చాలామందికి అవగాహన లేక ప్రయోజనం పొందలేకపోతున్నారు. దీంతో అర్హులైనవారు కూడా దరఖాస్తు చేసుకోవడం లేదు. యువతికి 18, యువకుడికి 21 ఏళ్లు పూర్తయి ఉండాలి. వివాహచట్టం–1955 కింద నమోదై ఉండాలి. కొత్తగా వివాహమైన దంపతుల వార్షికాదాయం రూ.5లక్షలలోపు ఉండాలి.
జిల్లాకు సంబంధించిన వివరాలు
ఐదేళ్లలో దరఖాస్తుల సంఖ్య 93
అందిన హార్డ్‌కాపీలు 82
లబ్ధిపొందినవారు 56 మంది
సాయం అందనివారు 37 మంది
ఆర్థిక సంవత్సరాలవారీగా పెండింగ్‌ దరఖాస్తులు, రావాల్సిన సాయం
సంవత్సరం దరఖాస్తులు నగదు (రూ.లక్షల్లో)
2021–22 5 12.50 లక్షలు
2022–23 7 17.50. లక్షలు
2023–24 7 17.50 లక్షలు
2024–25 18 45.00 లక్షలు
నిర్మల్‌
నిర్మల్‌
