వణుకు షురూ..

వణుకు షురూ..

నిర్మల్‌చైన్‌గేట్‌: జిల్లాను చలిపులి వణికిస్తోంది. క్ర మంగా పగటి ఉష్ణోగ్రతలు పడిపోతున్నాయి. చా లా ప్రాంతాల్లో చలి తీవ్రత పెరిగింది. నవంబర్‌ మొదటి వారం వరకు వర్షాలు కురవడంతో జిల్లా లో శీతల గాలులు ముందుగానే ప్రారంభమయ్యా యి. ఉదయం, సాయంత్రం వేళల్లో జనం బయట కు రావాలంటేనే జంకుతున్నారు. పది రోజులుగా చలి తీవ్రత మరింత పెరగడంతో దీర్ఘకాలిక రోగులకు ఇబ్బందికరంగా మారింది. సీజనల్‌ వ్యాధులూ ప్రబలుతున్నాయి. జలుబు, దగ్గు, గొంతు నొ ప్పి, ఫ్లూ, జ్వరం, ఆయాసం కేసులు పెరుగుతున్నా యి. ఆస్తమా, సీవోపీడీ, అలర్జీ, నిమోనియా తది తర శ్వాసకోశ వ్యాధులున్నవారు మరింత ఇబ్బంది పడుతున్నారు. ఉపశమనం కోసం గ్రామాల్లో చలి మంటలు వేసుకుంటున్నారు. జనం తప్పనిసరిగా ఉన్ని దుస్తులు ధరించి బయటికి వస్తున్నారు. ము ఖ్యంగా చిన్నారులు, వృద్ధులపై వైరస్‌ త్వరగా ప్ర భావం చూపుతుందని వైద్యులు చెబుతున్నారు.

వాతావరణ మార్పులతో..

చల్లటి గాలులకు చర్మం పొడిబారుతుంది. పెదవులు పగిలి ముఖం కాంతిహీనంగా మారుతుంది. అ రికాళ్లు పగులుతాయి. శరీరంలో తేమశాతం తగ్గి ఈ పరిస్థితి ఏర్పడుతుంది. శీతల వాతావరణంతో అలర్జీ ఎక్కువగా ఉన్నవారు బ్రాంకై టిస్‌ బారినపడుతున్నారు. దగ్గు, ఆయాసం శ్వాస తీసుకోవడంలో ఇ బ్బందులు తలెత్తుతున్నాయి. ఈ తరహా సమస్యలు మధుమేహం రోగులకు వస్తే మరిన్ని ఇబ్బందులుంటాయని వైద్యులు చెబుతున్నారు. ఇలాంటి పరిస్థితుల్లో వైరస్‌ శక్తివంతమవుతుందని పేర్కొంటున్నా రు. ఐదు నుంచి ఆరు రోజుల్లో తగ్గే జబ్బు, అలర్జీ ప్రస్తుతం రెండు వారాలు ఉంటుందని చెబుతున్నా రు. పలు జాగ్రత్తలు తీసుకోవాలని సూచిస్తున్నారు.

ఉన్ని దుస్తులకు డిమాండ్‌

జిల్లాలో స్వెట్టర్లు, మంకీ క్యాప్‌ల అమ్మకాలు జోరందుకున్నాయి. ఒడిశా, తమిళనాడు, ఉత్తరప్రదేశ్‌, మ ధ్యప్రదేశ్‌, పంజాబ్‌, రాజస్థాన్‌ రాష్ట్రాల నుంచే కా కుండా నేపాల్‌ నుంచి వచ్చిన వ్యాపారులు జిల్లా కేంద్రంతో పాటు భైంసా, ఖానాపూర్‌ పట్టణాల్లోని రోడ్లపై దుకాణాలు ఏర్పాటు చేసి విక్రయిస్తున్నారు. చిన్నపిల్లలకు స్వెటర్లు రూ.200 నుంచి రూ.300 మధ్య, పెద్దవారికి రూ.300 నుంచి రూ.400 వరకు లభ్యమవుతున్నాయి. రగ్గుల ధరలు రూ.350 నుంచి రూ.600 వరకు ఉన్నాయి. మంకీ క్యాప్‌లు రూ.50 నుంచి రూ.100 మధ్య దొరుకుతున్నాయి.

నిర్లక్ష్యం చేస్తే నష్టమే..

ఆస్తమా, నిమోనియా, సీవోపీడీ, గుండె వ్యాధులతో బాధపడేవారికి చలికాలం కష్టకాలమని వైద్యులు పేర్కొంటున్నారు. చల్ల టి ఆహారం తీసుకున్నా, ఏసీ గదుల్లో ఉన్నా ఆస్తమా పెరుగుతుందని చెబుతున్నారు. నిర్లక్ష్యం చేస్తే ఇన్ఫెక్షన్‌ అయ్యే ప్రమాదముందని, వైద్యం అలస్యమైతే క్రమంగా నీరు చేరి ఊపిరితిత్తుల్లోని పొరలు ఉబ్బి శ్వాస కష్టంగా మారుతుందని హెచ్చరిస్తున్నారు.