అడెల్లికి భక్తుల తాకిడి

అడెల్లికి భక్తుల తాకిడి

సారంగపూర్‌: అడెల్లి మహాపోచమ్మ ఆలయం ఆది వారం భక్తులతో కిటకిటలాడింది. రాష్ట్ర నలుమూలల నుంచే కాకుండా మహారాష్ట్ర నుంచి భక్తులు అధికసంఖ్యలో వచ్చారు. అమ్మవారిని దర్శించుకు ని మొక్కులు చెల్లించుకున్నారు. గర్భాలయంలోకి వీఐపీలు, స్థానిక నాయకుల బంధువులను లోనికి అనుమతించగా రూ.50 దర్శనం టికెట్లు కొనుగో లు చేసిన, ధర్మదర్శనం కోసం వచ్చిన భక్తులు క్యూ లైన్‌లో గంటల తరబడి నిరీక్షించి అసహనానికి గురయ్యారు. అధికారులు, పాలకవర్గం తీరుపై మండిపడ్డారు. కోనేరు వద్ద స్నానాలు చేసిన నీరంతా నా లాల ద్వారా బయటకు వెళ్లకుండా రోడ్డుపై చేరింది. దీంతో భక్తులు అసౌకర్యానికి గురయ్యారు. పరిసరాల్లో దుర్గంధం వ్యాపించింది. అధికారులు, పాలకులు సమస్యలు పరిష్కరించాలని కోరారు.

అమ్మవారిని దర్శించుకున్న న్యాయమూర్తులు

అడెల్లి మహాపోచమ్మను జిల్లా కోర్టు న్యాయమూర్తి శ్రీవాణి, డీఎల్‌ఎస్‌ కార్యదర్శి రాధిక, ఫస్ట్‌క్లాస్‌ మెజి స్ట్రేట్‌ భవిష్య దర్శించుకుని మొక్కులు చెల్లించుకున్నారు. వీరికి ఆలయ అధికారులు, ప్రధాన అర్చకు డు శ్రీనివాసశర్మ ఆలయ మర్యాదలతో స్వాగతం పలికారు. దర్శనానంతరం తీర్థ ప్రసాదాలు అందజేశారు. వారు ఈవో భూమయ్య ద్వారా ఆలయ వివరాలు తెలుసుకున్నారు. అనంతరం మండలకేంద్రంలోని ఊరగుట్టపై నూతనంగా నిర్మించి ఎల్లమ్మ గుడిలో పూజలు చేశారు. ఆ తర్వాత స్వర్ణ ప్రాజెక్టు కు చేరుకున్నారు. ప్రాజెక్ట్‌ అందాలను తిలకించి అధికారుల ద్వారా వివరాలు తెలుసుకున్నారు.

1/1

అడెల్లికి భక్తుల తాకిడి