అర్ధ శతాబ్దపు అపూర్వ సమ్మేళనం

అర్ధ శతాబ్దపు అపూర్వ సమ్మేళనం

ఖానాపూర్‌ పట్టణంలోని ప్రభుత్వ ఉన్నత పాఠశాలలో 1974–75 విద్యాసంవత్సరంలో పదో తరగతి చదివినవారంతా ఆదివారం ఐదు దశాబ్దాల తర్వాత ఒక్కచోట కలిశారు. ఆత్మీయ సమ్మేళనం పేరిట చదువుకున్న బడిలో రోజంతా సందడి చేశారు. వీరి బ్యాచ్‌లో 60మంది ఉండగా 15మంది వివిధ కారణాలతో మృతి చెందారు. ఈ సందర్భంగా మౌనం పాటించి వారికి నివాళులర్పించారు. వారి జ్ఞాపకార్థం పలు కార్యక్రమాలు నిర్వహించారు. కార్యక్రమానికి ముఖ్య అతిథిగా ఎంపీవో రత్నాకర్‌రావు హాజరయ్యారు. పూర్వ విద్యార్థుల్లో సుమారు 40శాతం మంది ఉద్యోగాలు సాధించి రిటైర్డ్‌ కాగా, వారిని ఎంపీవో అభినందించారు. అప్పటి ఉపాధ్యాయులు విఠల్‌, సదయ్య, దేవన్న, గంగన్న, నర్సింహారెడ్డిని ఆహ్వానించిన పూర్వ విద్యార్థులు వారిని ఘనంగా సన్మానించారు. అనంతరం రోజంతా సందడి చేసి ఆనందంగా గడిపారు. కార్యక్రమ కన్వీనర్‌ అశోక్‌రెడ్డి, సహ కన్వీనర్‌ వెంకటేశ్వర్లు తదితరులు పాల్గొన్నారు. – ఖానాపూర్‌