పాత రశీదా.. అచ్చుతప్పా..?

పాత రశీదా.. అచ్చుతప్పా..?

బాసర: నిర్మల్‌ జిల్లా బాసర శ్రీజ్ఞానసరస్వతీ ఆలయంలో ఈనెల 14న నిత్య చండీహోమం కోసం జారీ చేసిన రశీదు అనేక అనుమానాలకు తావిస్తోంది. రూ.1,500 విలువైన పూజకు సంబంధించిన రశీదుపై పాత జిల్లా, పాత మండలం ఆదిలాబాద్‌, ముధోల్‌ అని ముద్రించి ఉంది. నిర్మల్‌ జిల్లా, బా సర మండలం అని ఉండాలి. కొత్త జిల్లా, మండలం ఏర్పడి పదేళ్లు అయినా పాత పేర్లు ఉండడం అనుమానాలకు తావిస్తోంది. పాత రశీదులపై కొత్త తేదీ లతో జారీ చేశారా అని భక్తులు సందేహిస్తున్నారు. తాము పూజలకు చెల్లించే రుసుము ఆలయానికి అందుతుందా లేదా అన్న సందేహాలు వ్యక్తం చేస్తున్నారు. ఈ విషయమై ఆలయ ఈవో అంజనీదేవిని వివరణ కోరగా, పాత రశీదు పుస్తకాలే ఇంకా ఉన్నాయని తెలిపారు. ఈ పూజలు తక్కువగా చేస్తారు కాబట్టి రశీదులు ఉన్నాయని వెల్లడించారు.