TV
భక్తజనసంద్రంగా ‘గుట్ట’
కౌటాల: మండల కేంద్రంలోని కంకలమ్మ గుట్ట(మేదరిగిరి)పై ఉన్న కంకలమ్మ–కేతేశ్వర స్వామి ఆల య 21వ మహాజాతర మహోత్సవాన్ని ఆదివారం ఘనంగా నిర్వహించారు. ఉమ్మడి జిల్లా నుంచే కాక, మహారాష్ట్ర, కర్ణాటక, చతీస్‌ఘడ్‌ రాష్ట్రాల నుంచి భక్తులు వేలాదిగా తరలిరావడంతో గుట్ట జనసంద్రంగా మారింది. అనంతరం ప్రత్యేక పూజలు నిర్వహించి మొక్కులు తీర్చుకున్నారు. టీటీడీ ఆధ్వర్యంలో అమ్మవారికి పట్టువస్త్రాలు సమర్పించారు. కలెక్టర్‌ వెంకటేశ్‌ దొత్రే కుటుంబ సమేతంగా, కాగజ్‌నగర్‌ సబ్‌కలెక్టర్‌ శ్రద్ధాశుక్లా అమ్మవారిని దర్శించుకున్నారు. ఆలయ అభివృద్ధికి సహకరిస్తామని తెలిపారు. ఆలయకమిటీ సభ్యులు వారిని సన్మానించారు. బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌ పూజలు చేశారు. పత్తి రైతుల కష్టాలు తీర్చాలని మొక్కుకున్నారు. కాగజ్‌నగర్‌ డీఎస్పీ ఎండీ వహిదుద్దీన్‌ ఆధ్వర్యంలో బందోబస్తు నిర్వహించారు. ఆలయ కమిటీ ఆధ్వర్యంలో అన్నదానం చేపట్టారు. తహసీల్దార్‌ ప్రమోద్‌కుమార్‌, ఆలయ కమిటీ చైర్మన్‌ సుల్వ కనకయ్య, ఆలయ మహిళా కమిటీ అధ్యక్షురాలు సుల్వ కల్యాణమ్మ పాల్గొన్నారు.
భక్తజనసంద్రంగా ‘గుట్ట’
భక్తజనసంద్రంగా ‘గుట్ట’
భక్తజనసంద్రంగా ‘గుట్ట’
