TV
డిఫెన్స్‌ డ్రైవింగ్‌తో రోడ్డు ప్రమాదాల నివారణ
నిర్మల్‌చైన్‌గేట్‌: డీజీపీ శివధర్‌రెడ్డి సూచనల మేరకు రోడ్డు ప్రమాదాల తగ్గింపులో డిఫెన్సివ్‌ డ్రైవింగ్‌ అత్యంత కీలకమని ఎస్పీ జానకీషర్మిల అన్నారు. రోడ్డు భద్రతపై అవగాహన కార్యక్రమాలు నిర్వహించడంతోపాటు, ఎంటీ డ్రైవర్లు, ఆర్‌ఐలు, ఆర్‌ఎస్‌ఐలకు డిఫెన్సివ్‌ డ్రైవింగ్‌పై ఆర్‌ఐ రామ్‌ నిరంజన్‌రావు ఆధ్వర్యంలో శనివారం శిక్షణ ఇచ్చారు. ఈ సందర్భంగా ఎస్పీ మాట్లాడుతూ రోడ్డుపై అప్రమత్తంగా ఉండటం, పరిసరాలను గమనించడం, ఇతరుల తప్పిదాలను ముందుగా అంచనా వేయడం ద్వారా ప్రమాదాలు నివారించవచ్చని వివరించారు. కార్యక్రమంలో ఆర్‌ఐలు శేఖర్‌, రామకృష్ణ, ఆర్‌ఎస్సైలు సాయికృష్ణ, రవి, మహేశ్‌, వినోద్‌, 31మంది ఎంటీ డ్రైవర్లు పాల్గొన్నారు.
ఒకటో తేదీన
జీతాలు చెల్లించాలి
నిర్మల్‌చైన్‌గేట్‌: నేషనల్‌ హెల్త్‌ మిషన్‌ పరిధిలో పనిచేసే ఉద్యోగులందరికీ ప్రతీనెల 1వ తేదీన జీతాలు చెల్లించాలని డీఎంహెచ్‌వో డాక్టర్‌ రాజేందర్‌కు ఎన్‌హెచ్‌ఎం ఉద్యోగులు శనివారం వినతిపత్రం అందజేశారు. ఈ సందర్భంగా వారు మాట్లాడుతూ సమయానికి జీతాలు అందక ఆర్థికంగా ఇబ్బందులు పడుతున్నామని పేర్కొన్నారు. జిల్లావ్యాప్తంగా 310 మంది ఎన్‌హెచ్‌ఎం ఉద్యోగులు పనిచేస్తున్నారని తెలిపారు. సెప్టెంబర్‌, అక్టోబర్‌ నెల వేతనాలు పెండింగ్‌లో ఉన్నాయని పేర్కొన్నారు. అధికారులు స్పందించి ఉద్యోగుల సమస్యలు పరిష్కరించాలని కోరారు.
