TV
శిశు మరణాలపై అప్రమత్తంగా ఉండాలి
సారంగపూర్‌: నవజాత శిశువుల మరణాలపై క్షేత్రస్థాయిలో పనిచేసే ఏఎన్‌ఎంలు, హెల్త్‌ అసిస్టెంట్లు, పర్యవేక్షక సిబ్బంది అప్రమత్తంగా ఉండాలని జిల్లా ఇమ్యునైజేషన్‌ అధికారి డాక్టర్‌ నయనారెడ్డి అన్నా రు. మండలంలోని ఆలూరు గ్రామంలో నిర్వహించిన టీకాల పంపిణీ కార్యక్రమాన్ని శనివారం తనిఖీ చేశారు. మండల కేంద్రంలోని పీహెచ్‌సీలో ఏఎన్‌ఎంలు, హెల్త్‌ అసిస్టెంట్లు, సిబ్బందితో సమావేశం నిర్వహించారు. గర్భిణులు, పిల్లలకు క్రమం తప్పకుండా టీకాలు వేయడం మరువొద్దని తెలిపా రు. నవజాత జననాల వారోత్సవాలపై క్షేత్రస్థాయిలో ప్రజలకు అవగాహన కల్పించాలన్నారు. ఈనెల 15 నుంచి 21 వరకు కార్యక్రమం ఉంటుందని పేర్కొన్నారు. ఽశీతాకాలంలో నిమోనియా సోకితే మరణాలు సంభవించే అవకాశాలు ఉంటాయని తెలిపారు. విషయంలో ఏఎన్‌ఎంలు, ఆశ కార్యకర్తలు అప్రమత్తంగా ఉండాలని సూచించారు. జ్వరం, దగ్గు, జలుబు లాంటి సమస్యలు కనిపిస్తే వెంటనే ఆస్పత్రికి పంపించాలని పేర్కొన్నారు. కొత్తగా జన్మించిన నవజాత శిశువుల జాబితా తయారు చేసుకుని నిత్యం వారి ఇళ్లకు వెళ్లి పరిశీలించాలని వివరించారు. కార్యక్రమంలో డాక్టర్‌ అబ్దుల్‌జవాద్‌, పీహెచ్‌ఎన్‌ అధికారి విమల, ఆరోగ్య పర్యవేక్షకులు కృష్ణమోహన్‌గౌడ్‌, శ్రీనివాస్‌, ఉషారాణి, ప్రేమ్‌సింగ్‌, ఏఎన్‌ఎంలు, ఆశ కార్యకర్తలు పాల్గొన్నారు.
