భూ వివాదాలకు చెక్‌!

భూ వివాదాలకు చెక్‌!

నిర్మల్‌

మహిళల రక్షణకు షీటీం

నిర్మల్‌టౌన్‌: మహిళల రక్షణకు నిర్మల్‌ పోలీసులు ముందుంటారని ఎస్పీ జానకీషర్మిల అన్నారు. జిల్లా కేంద్రంలోని పలు ప్రదేశాల్లో షీటీం ఆధ్వర్యంలో శుక్రవారం అవగాహన కార్యక్రమాలు నిర్వహించారు. ఈ సందర్భంగా ఎస్పీ మాట్లాడుతూ.. జిల్లాలో మహిళలపై జరిగే నేరాలు అరికట్టడం, మహిళలు అధికంగా ఉండే ప్రదేశాల్లో భద్రతను బలోపేతం చేయడం లక్ష్యంగా షీటీం బృందాలు ప్రత్యేక కార్యక్రమాలు నిర్వహిస్తున్నాయని తెలిపారు. మహిళలు, బాలికలపై అఘాయిత్యాలు, వేధింపులు జరగకుండా ముందస్తు చర్యల్లో పార్కులు, స్కూల్లు, కాలేజీలు, దేవాలయాలు, మా ర్కెట్‌, బస్టాండ్‌ వంటి ప్రాంతాల్లో విస్తృత పర్యటనలు నిర్వహిస్తారన్నారు. అనుమానాస్పద వ్యక్తులు, ఆకతాయిలు కనిపిస్తే డయల్‌ 100 లేదా షీటీం హెల్ప్‌లైన్‌ నంబర్‌ 8712659550 కు సమాచారం అందించాలని సూచించారు.

నిర్మల్‌చైన్‌గేట్‌: భూములకు సంబంధించిన వివాదాలు, సరిహద్దు తగాదాలు తగ్గించేందుకు రాష్ట్ర ప్రభుత్వం కొత్త విధానానికి శ్రీకారం చుట్టింది. ఇటీవలే లైసెన్స్‌డ్‌ సర్వేయర్లకు నియామక పత్రాలు అందించింది. ఈ క్రమంలో కొత్త చట్టాలు అమలులో ఉన్నా భూసమస్యలు తగ్గడంలేదు. దీంతో భూముల డిజిటల్‌ రీ సర్వే ద్వారా స్పష్టతని తీసుకురావాలని ప్రభుత్వం నిర్ణయించింది.

14 గ్రామాల్లో పైలట్‌ ప్రాజెక్టు..

ప్రభుత్వం జిల్లాలో 12 మండలాలకు చెందిన 14 గ్రామాలను ఎంపిక చేసి పైలట్‌ ప్రాజెక్టు ప్రారంభించింది. నోటిఫికేషన్‌ ఇప్పటికే విడుదల కాగా, ఈ దశ పూర్తయిన తర్వాత మరో 70 గ్రామాల్లో కూడా రీసర్వే చేయడానికి ప్రతిపాదనలు సిద్ధమయ్యాయి. ప్రతీ 30 ఏళ్లకోసారి భూముల రీ సర్వే చేయాల్సి ఉన్నప్పటికీ, దశాబ్దాలుగా అది నిలిచిపోయింది. దీంతో సర్వే రికార్డులు, సరిహద్దు వివాదాల పెరిగాయి. సర్వే నంబర్లు, బైనంబర్ల లోపాలతో అధికారులకు కూడా స్పష్టత లేకుండా పోయింది. ఈ నేపథ్యంలో భూభారతి చట్టాన్ని సమర్థవంతంగా అమలు చేయడానికి ప్రభుత్వం డిజిటల్‌ మ్యాపింగ్‌ పద్ధతిని అందిపుచ్చుకుంది.

శాటిలైట్‌ సహకారంతో..

భూమి కొలతలు, రికార్డుల శాఖ ఆధ్వర్యంలో రీ సర్వే పనులను శాసీ్త్రయ పద్ధతిలో చేపట్టనున్నారు. ఇందుకు సర్వేయర్లకు ప్రత్యేక శిక్షణ ఇచ్చారు. శాటిలైట్‌ ఆధారిత జీఐఎస్‌ పద్ధతిలో పాత రికార్డులను పరిశీలించి సర్వే ప్రణాళిక రూపొందిస్తారు. టెండర్‌ ప్రక్రియ పూర్తయిన తర్వాత ప్రభుత్వ సర్వేయర్లతోపాటు లైసెన్స్‌డ్‌ సర్వేయర్ల సేవలు కూడా వినియోగించబడతాయి.

భూధార్‌ నంబర్‌తో స్పష్టత

ప్రతీ గ్రామంలోని సర్వే నంబర్ల ఆధారంగా రైతుల కమతాలు, సరిహద్దులు ఖరారు చేస్తారు. వీటిని ఆన్‌లైన్‌లో ల్యాండ్‌ పార్ట్‌ మ్యాప్‌ల రూపంలో పొందుపరుస్తారు. చివరగా, రైతు పేరుతో ఉన్న అన్ని సర్వే నంబర్లను ఒకే రికార్డులో చేర్చి, ప్రత్యేక ‘‘భూధార్‌ నంబర్‌’’ కేటాయిస్తారు. ఈ డిజిటల్‌ సర్వే పూర్తయితే భూములకు సంబంధించిన వివాదాలు, రికార్డు గందరగోళాలు గణనీయంగా తగ్గుతాయని అధికారులు ఆశాభావం వ్యక్తం చేస్తున్నారు.

సర్వే నిర్వహించనున్న గ్రామాల ఇవీ..

మండలం గ్రామం

ఖానాపూర్‌ బేవాపూర్‌రూరల్‌

దస్తురాబాద్‌ రేబోజిపేట్‌

మామడ దంతంపల్లి

లక్ష్మణచాంద మల్లాపూర్‌

సారంగాపూర్‌ కౌట్ల(బి)

సారంగాపూర్‌ నాగపూర్‌

నర్సాపూర్‌(జి) తురాటి, చాక్‌పల్లి

బాసర లబ్ది

సోన్‌ వెల్మల్‌

తానూర్‌ తానూర్‌

భైంసా బాబుల్‌గాన్‌

కడెం పెద్దూర్‌ ఇస్లాంపూర్‌

లోకేశ్వరం బామ్ని(కె)

1/2

భూ వివాదాలకు చెక్‌!

2/2

భూ వివాదాలకు చెక్‌!