కోతకు వచ్చిన పొలాలకు నీళ్లు! | - | Sakshi
Sakshi News home page

కోతకు వచ్చిన పొలాలకు నీళ్లు!

Nov 15 2025 7:47 AM | Updated on Nov 15 2025 7:47 AM

కోతకు

కోతకు వచ్చిన పొలాలకు నీళ్లు!

సిరాల ఆయకట్టు కింద కోతకు వచ్చిన వరి పొలాలు

జిల్లాలో వరి కోతలు ఊపందుకున్నాయి. అయితే ఇటీవల మోంథా తుపాను ప్రభావంతో కురిసిన వర్షాలతో చైన్‌ హార్వెస్టర్లతో పొలాలు కోయించాల్సి వస్తోంది. పొలాల్లో తేమ కారణంగా టైర్ల హార్వెస్టర్లు దిగబడుతున్నాయి. దీంతో రైతులు చైన్‌ హార్వెస్టర్లకు ఎక్కువ డబ్బులు ఇచ్చి పంటలు కోయిస్తున్నారు. ఇలాంటి పరిస్థితిలో భైంసా డివిజన్‌ పరిధిలోని సిరాల ప్రాజెక్టు పరిధిలోని పొలాలకు శుక్రవారం నీరు విడుదల చేయడంపై రైతులు మండిపడుతున్నారు. కాంట్రాక్టర్‌ కాలువకు నీటిని విడుదల చేయడంతో 210 ఎకరాల్లో నీరు చేరింది. కోతకు సిద్ధంగా ఉన్న పొలాల్లో నీరు నిలిచింది. కాలువలు పునర్నిర్మిస్తున్న కాంట్రాక్టర్‌ పనుల కోసం నీటిని విడుదల చేయించాడని అధికారులు చెబుతున్నారు. కాంట్రాక్టర్‌ను అడిగితే అధికారులే వదిలారని చెబుతున్నాడు. అధికారులు, కాంట్రాక్టర్‌ నిర్లక్ష్యంతో ఇబ్బంది పడుతున్నామని రైతులు పేర్కొంటున్నారు. శుక్రవారం చాలా మంది రైతులు పొలాల్లోకి నీరు రాకుండా అడ్డు కట్టలు వేస్తూ కనిపించారు. నీరు వదిలేముందు పిల్ల కాలువల్లోకి నీరు రాకుండా చేసి ఉంటే తమకు తిప్పలు తప్పేవని పేర్కొంటున్నారు. ఈ విషయమై ఏఈ శ్రీకాంత్‌ను వివరణ కోరగా, కాలువ నీళ్లు రాకుండా సిబ్బందిని పంపిస్తున్నామని తెలిపారు. కొత్త చెరువు తూము మూసివేయిస్తామన్నారు. – (భైంసా/భైంసారూరల్‌)

కోతకు వచ్చిన పొలాలకు నీళ్లు!1
1/3

కోతకు వచ్చిన పొలాలకు నీళ్లు!

కోతకు వచ్చిన పొలాలకు నీళ్లు!2
2/3

కోతకు వచ్చిన పొలాలకు నీళ్లు!

కోతకు వచ్చిన పొలాలకు నీళ్లు!3
3/3

కోతకు వచ్చిన పొలాలకు నీళ్లు!

Advertisement

Related News By Category

Related News By Tags

Advertisement
 
Advertisement
Advertisement