చదువుతోనే ఉన్నత స్థానం

చదువుతోనే ఉన్నత స్థానం

మామడ: చదువుతోనే జీవితంలో ఉన్నత స్థానానికి చేరుకుంటారని, ఇందుకోసం విద్యార్థులు నిరంతరం ప్రయత్నించాలని డీఈవో భోజన్న అన్నారు. మండలంలోని పొన్కల్‌ ఉన్నత పాఠశాలలో బ్యూటీ వెల్‌నెస్‌ సెంటర్‌ ప్రారంభించారు. విద్యార్థులు చదువుతోపాటు స్వయం ఉపాధి కోర్సులు అభ్యసించాలని పేర్కొన్నారు.ఆస్ట్రానమీ ల్యాబ్‌ను పరిశీలించి విద్యార్థులు శాస్త్రసాంకేతికతపై ఆసక్తి పెంచుకోవడానికి ఇలాంటి ప్రయోగాశాలలు ఉపయోగపడతాయన్నారు. గ్రామీణ ప్రాంత విద్యార్థులకు ఖగోళశాస్త్రంపై ఆసక్తి పెంచాలని ఉపాధ్యాయులకు సూచించారు. పాఠశాలలో గ్రంథాలయాన్ని స్పోర్ట్స్‌, ఎన్‌సీసీ సెంటర్‌ను సందర్శించి సంతృప్తి వ్యక్తం చేశారు. ఆయన వెంట హెచ్‌ఎం అరవింద్‌కుమార్‌, ఉపాధ్యాయులు ఉన్నారు.

జాతీయ బాలల దినోత్సవం..

నిర్మల్‌ రూరల్‌: పదో తరగతి విద్యార్థులు ప్రణాళిక ప్రకారం చదవాలని డీఈవో భోజన్న సూచించారు. జాతీయ బాలల దినోత్సవం సందర్భంగా జిల్లా కేంద్రంలోని మంజులాపూర్‌ ఉన్నత పాఠశాలలో ఏర్పాటు చేసిన కార్యక్రమంలో పాల్గొన్నారు. విద్యార్థులందరూ కష్టపడి చదివి ఉన్నత స్థాయికి ఎదగాలన్నారు. ప్రభుత్వ పాఠశాలల్లో విద్యార్థుల కోసం అన్ని వసతులు, ఉన్నత విద్య చదివిన ఉపాధ్యాయులు ఉన్నారని తెలిపారు. ఫలితాల మెరుగు కోసం అదనపు తరగతులు నిర్వహిస్తున్నట్లు వెల్ల డించారు. విద్యార్థులు తప్పకుండా హాజరు కావా లని సూచించారు. జిల్లా కేంద్రానికి చెందిన మనోజ్‌ భరత్‌ అనే వైద్యుడు సమకూర్చిన స్టడీ మెటీరియల్‌ను పదోతరగతి విద్యార్థులకు అందజేశారు. ఇటీవల పాఠశాలలో గాజుల పండుగ సందర్భంగా నిర్వహించిన పోటీల విజేతలకు బహుమతులు ప్రదానం చేశారు. అనంతరం విద్యార్థులతో కలిసి మధ్యాహ్న భోజనం చేశారు. హెచ్‌ఎం పద్మ, ఉపాధ్యాయులు హేమలత, రాజేందర్‌, శ్రీనివాస్‌, సురేందర్‌, మసియుద్దీన్‌, సత్తయ్య, ఆశాకిరణ్‌, సాత్విక్‌, కిశోర్‌, శివకుమార్‌, శీను పాల్గొన్నారు.