TV
నిర్మల్‌
న్యూస్‌రీల్‌
చిచ్చర పిడుగులు..
ఉమ్మడి ఆదిలాబాద్‌ జిల్లాలోని వివిధ పాఠశాలల్లో చదివే చిచ్చర పిడుగులు
క్రీడా మైదానాల నుంచి తరగతి గదుల దాకా తమ ప్రతిభతో మెరుస్తున్నారు.
భైంసాటౌన్‌:జిల్లాలో రాయితీ వంటగ్యాస్‌ సిలిండ ర్లు పక్కదారి పడుతున్నాయి. గృహావసరాలకు వి నియోగించే డొమెస్టిక్‌ సిలిండర్లు టిఫిన్‌ సెంటర్లు, హోటళ్లు, ఫాస్ట్‌ఫుడ్‌ సెంటర్లు, బార్లు, రెస్టారెంట్లు, దాబాలతోపాటు ఇతరత్రా వాణిజ్య అవసరాలకు వినియోగిస్తున్నారు. ఇటీవల భైంసా పట్టణంలోని పలు హోటళ్లు, టిఫిన్‌ సెంటర్లలో సివిల్‌ సప్లయ్‌ ఎన్‌ఫోర్స్‌మెంట్‌ అధికారుల తనిఖీలు చేశారు. గృహావసర వంటగ్యాస్‌ సిలిండర్లు పట్టుకున్నారు. అ యితే పట్టుబడింది కేవలం నామమాత్రమే. దాదా పు అన్ని హోటళ్లు, టిఫిన్‌సెంటర్లు, దాబాల్లో డొమెస్టిక్‌ వంటగ్యాస్‌ సిలిండర్లు వినియోగిస్తున్నారు. అంతేగాక, బహిరంగ మార్కెట్‌లో సైతం వంటగ్యాస్‌ సిలిండర్ల నుంచి గ్యాస్‌ను విడిగా విక్రయిస్తున్నారు.
బహిరంగంగానే వినియోగం..
జిల్లాలో సాధారణ కేటగిరీలో 1,39,430, దీపం 47,215, ఉజ్వల 37,249, సీఎస్‌ఆర్‌ 26,828 కనెక్షన్లు ఉన్నాయి. మొత్తంగా 2,50,722 గృహావసర వంటగ్యాస్‌ కనెక్షన్లు ఉన్నాయి. వాణిజ్య అవసరాలకు కేవలం మాత్రమే 1,063 ఉన్నాయి. దీనిని బట్టే తెలుస్తోంది... గృహావసర సిలిండర్లు ఎంత దుర్వినియోగం అవుతున్నాయో. జిల్లాలోని దాదాపు అన్ని పట్టణ, మండలకేంద్రాలతోపాటు మేజర్‌ గ్రామాల్లో టిఫిన్‌ సెంటర్లు, హోటళ్లు, దాబాలు, ఫాస్ట్‌ఫుడ్‌ సెంటర్లు వేల సంఖ్యలో వెలిశాయి. కానీ, వాణిజ్య కేటగిరీ కింద వెయ్యి కనెక్షన్లు ఉండడం గమనార్హం. చాలాచోట్ల వాణిజ్య అవసరాలకు గృహావసర వంటగ్యాస్‌ సిలిండర్లనే వినియోగిస్తున్నారు. వీధులు, ప్రధాన కూడళ్లు, రహదారుల వెంబడి బహిరంగంగానే వంటగ్యాస్‌ సిలిండర్లు వినియోగిస్తున్నట్లు కనిపిస్తున్నా.. సంబంధిత అధికారులు మాత్రం చూసీచూడనట్లు వ్యవహరిస్తున్నారు. చిన్నపాటి హోటళ్లు, టీస్టాళ్లు, టిఫిన్‌సెంటర్లలో తనిఖీలు చేస్తూ బడా హోటళ్లు, రెస్టారెంట్ల జోలికి వెళ్లరన్న ఆరోపణలున్నాయి. వాణిజ్య సిలిండర్లు ఉన్నవారు కేవలం అధికారులు వచ్చినప్పుడు చూపించడానికి అన్నట్లు ఒక సిలిండర్‌ పెట్టుకుంటున్నారు. అధికారులు వెళ్లాక గృహా వసర సిలిండర్లనే వినియోగిస్తున్నారు. కొందరు ఒక్కో సిలిండర్‌పై అదనంగా ముట్టజెప్పి దొడ్డిదారిన సిలిండర్లు తెచ్చుకుని వినియోగిస్తున్నారు. కొందరు ఏకంగా గ్యాస్‌ సిలిండర్లను సరఫరా చేస్తూ అక్రమ వ్యాపారానికి తెర తీస్తున్నారు.
వాహనాలకూ వినియోగం..
వాణిజ్య అవసరాలకు వినియోగించే సిలిండర్‌ ధర అధికంగా ఉండడంతో కొందరు గృహావసర సిలిండర్లను కార్లలో గ్యాస్‌ నింపేందుకు సైతం వాడుతున్నారు. జనావాసాలు, బహిరంగ ప్రదేశాల్లో ప్రమాదకరంగా గ్యాస్‌ ఫిల్లింగ్‌ చేస్తున్నారు. సిలిండర్లు ఇలా బ్లాక్‌ మార్కెట్‌కు తరలడానికి కొన్ని గ్యాస్‌ ఏజెన్సీల నిర్వాహకులు సహకరిస్తున్నట్లు తెలుస్తోంది. పట్టించుకోవాల్సిన సివిల్‌ సప్లయ్‌ అధికారులు అంతా ‘మామూలు’ అన్నట్లుగా చూస్తున్నారు.
నిర్మల్‌టౌన్‌: జిల్లా కేంద్రంలోని ఎన్టీఆర్‌ మినీ స్టేడియంలో గురువారం జిల్లా యువజన క్రీడలశాఖ ఆధ్వర్యంలో నిర్వహించిన జిల్లా స్థాయి యువజనోత్సవాలు ఘనంగా జరిగాయి. ముఖ్య అతిథులుగా కలెక్టర్‌ అభిలాష అభినవ్‌, అదనపు కలెక్టర్‌ ఫైజాన్‌ అహ్మద్‌ హాజరై కార్యక్రమాన్ని ప్రారంభించారు. ఎన్‌సీసీ విద్యార్థులు వారికి స్వాగతం పలకగా, కలెక్టర్‌ జ్యోతి ప్రజ్వలన చేసి స్వామి వివేకానంద చిత్రపటానికి పూలమాల వేసి నివాళులర్పించారు. విద్యార్థుల్లో దాగి ఉన్న ప్రతిభ, సృజనాత్మకతను వెలికితీయడమే యువజనోత్సవాల ప్రధాన లక్ష్యమని కలెక్టర్‌ తెలిపారు. యవ్వనం జీవితంలో కీలక దశ. ఈ సమయంలో చెడు అలవాట్లకు దూరంగా ఉండి, స్పష్టమైన లక్ష్యంతో ముందుకు సాగాలని సూచించారు. గతేడాది రాష్ట్రస్థాయిలో యువజనోత్సవాల్లో జిల్లా రెండో స్థానం సాధించిందని తెలిపారు. ఈసారి అగ్రస్థానంలో నిలవాలని ఆకాంక్షించారు. అదనపు కలెక్టర్‌ ఫైజాన్‌ అహ్మద్‌ మాట్లాడుతూ, పోటీల్లో గెలుపు కంటే పాల్గొనడమే ముఖ్యమన్నారు. ఇలాంటి ఉత్సవాలు విద్యార్థుల్లో ఆత్మవిశ్వాసాన్ని పెంచి నాయకత్వ లక్షణాలు పెంచుతాయని పేర్కొన్నారు. స్వామి వివేకానంద చూపిన మార్గంలో యువత నడిస్తే దేశం మరింత అభివృద్ధి చెందుతుందని సూచించారు. అనంతరం నిర్వహించిన పోటీల్లో జానపద నృత్యాలు, సాంస్కృతిక ప్రదర్శనలు అలరించాయి కలెక్టర్‌ అనంతరం వైజ్ఞానిక ప్రదర్శనలను ప్రత్యక్షంగా వీక్షించి, విద్యార్థులు రూపొందించిన నమూనాలను పరిశీలించారు. విద్యార్థుల ఆవిష్కరణలు, శాస్త్ర పరిశోధనలపై ప్రశంసలు కురిపించారు. కార్యక్రమంలో డీఈఓ భోజన్న, డీవైఎస్‌వో శ్రీకాంత్‌రెడ్డి, డీపీఆర్వో విష్ణువర్ధన్‌, మున్సిపల్‌ కమిషనర్‌ జగదీశ్వర్‌గౌడ్‌ తదితరులు పాల్గొన్నారు.
యువజనోత్సవాల్లో విజేతలు వీరే..
ప్రాజెక్టులను తిలకిస్తున్న కలెక్టర్‌
అభిలాష అభినవ్‌, అదనపు కలెక్టర్‌ ఫైజన్‌ అహ్మద్‌
జిల్లాలో వంటగ్యాస్‌ కనెక్షన్ల వివరాలిలా...
సింగిల్‌ సిలిండర్‌ కనెక్షన్లు 1,81,626
డబుల్‌ సిలిండర్‌ కనెక్షన్లు 69,096
వాణిజ్య కనెక్షన్లు 1,063
మొత్తం కనెక్షన్లు 2,51,785
తనిఖీలు చేస్తాం...
గృహావసర వంట గ్యాస్‌ సిలిండర్లను వాణిజ్య అవసరాలకు వినియోగించొద్దు. ఎన్‌ఫోర్స్‌మెంట్‌ విభాగం అధికారులతో తనిఖీలు జరిపిస్తున్నాం. భైంసాలో వాణిజ్య అవసరాలకు విని యోగిస్తున్న వంటగ్యాస్‌ సిలిండర్లను స్వాధీనం చేసుకున్నాం. విచారణ జరిపి తదుపరి చర్యలు తీసుకుంటాం. ఇళ్లకు డెలీవరి పేరిట అదనంగా వసూలు చేస్తే రాతపూర్వకంగా ఫిర్యాదు చేయాలి. – రాజేందర్‌,
జిల్లా పౌరసరఫరాల అధికారి
ఏజెన్సీలపై చర్యలేవీ..?
వంటగ్యాస్‌ సిలిండర్లు పక్కదారి పట్టడమే కాకుండా డెలీవరీ పేరిట సిబ్బంది సిలిండర్‌కు అదనంగా రూ.20 నుంచి రూ.30 వరకు వసూలు చేస్తున్నారు. నిబంధనల ప్రకారం ఏజెన్సీ నుంచి 5 కి.మీ పరిధిలో సిలిండర్‌ సరఫరా చేసేందుకు అదనంగా వసూలు చేయవద్దు. కానీ, డెలీవరీ చేసేవారు అదనంగా డబ్బులు తీసుకుంటున్నారు. డెలివరీ పేరిట ఒక్కో సిలిండర్‌కు అదనంగా వసూలు చేయడం బహిరంగ రహస్యమే అయినా.. ఆయా ఏజెన్సీలపై చర్యలు తీసుకున్న దాఖలాలు లేవు.
నిర్మల్‌
నిర్మల్‌
