TV
బల్దియా.. ఇదేంటి!?
నిర్మల్‌: పేరుకు జిల్లాకేంద్రం. జిల్లా పాలనాధికారితోపాటు, స్థానిక సంస్థలను చూసే అడిషనల్‌ కలెక్టర్‌ సైతం ఇక్కడే ఉంటారు. సదరు అడిషనల్‌ కలెక్టర్‌కే ప్రత్యేకాధికారి బాధ్యతలూ ఉన్నాయి. రెగ్యుల ర్‌ కమిషనర్‌ కూడా ఉన్నారు. కానీ ఏం లాభం..!? నిర్మల్‌ మున్సిపాలిటీలో అధ్వాన పరిస్థితులు రా జ్యమేలుతున్నాయి. పర్యవేక్షణ లేకపోవడంతో ఎవరి ఇష్టం వారిదే అన్నట్లు ఉంది. రూ.కోట్లు పెట్టి కట్టినవి, రూ.లక్షలు పెట్టి నిర్మించిన వాటిని కనీసం పర్యవేక్షించడం, ప్రజలకు ఉపయోగకరంగా మార్చడంలో మున్సిపల్‌ ఘోరంగా విఫలమైంది. ప్రశ్నించేవారు, పర్యవేక్షించేవారు లేకపోవడంతో బల్దియా నిండా నిర్లక్ష్యం రాజ్యమేలుతోంది.
రూ.కోట్లు పెట్టి కట్టారు...
జిల్లాకేంద్రంలో ప్రధాన రహదారికి ఇరువైపులా ఫు ట్‌పాత్‌ నిర్మించారు. ఇందుకు రూ.5.50 కోట్లు ఖ ర్చు చేశారు. ఆకట్టుకునేలా పెర్గోలాలు, బాటసారులు కూర్చోడానికి సిమెంట్‌ బెంచీలు, ఫుట్‌పాత్‌ పొ డవునా స్టీల్‌ రెయిలింగ్‌ కూడా చేయించారు. కానీ.. కొంతకాలానికి బల్దియా తీరు బయట పడింది. ఎ న్ని కోట్లు పెట్టి కట్టినా.. ప్రజాధనం ఎంత వృథా అవుతున్నా.. తమకేం అన్నట్లు కనీసం పట్టించుకోవడం లేదు.
ఎవరి ఇష్టం వారిదే..!
నిర్మల్‌లో ఫుట్‌పాత్‌ అంగుళం మిగల్చకుండా ఆక్రమించేస్తున్నారు. ఫుట్‌పాత్‌ పొడవునా వేసిన రెయిలింగ్‌నూ ఇష్టం వచ్చినచోట, ఇష్టారీతిన తొలగించేస్తున్నారు. కొన్ని దుకాణాల దగ్గర మరీదారుణంగా ఫుట్‌పాత్‌ను మొత్తానికే ఎలాంటి అనుమతి లేకుండా తొలగించేశారు. ఇక బస్టాండ్‌ ప్రాంతం గురించి చెప్పనే అవసరం లేదు. అక్కడ అసలు ఫుట్‌పాత్‌ ఉన్న విషయం కూడా తెలియదు.
పర్యవేక్షణ ఎక్కడ?
ప్రధాన రహదారి పొడవునా ఉన్న ఈ ఫుట్‌పాత్‌ మొత్తం ధ్వంసం అవుతోంది. చాలాచోట్ల తమ అవసరాలకు అనుగుణంగా దుకాణాదారులు తొలగిస్తున్నారు. డ్రైనేజీల కారణంగా కూరుకుపోతోంది. చాలాచోట్ల నడిచేందుకు కూడా వీలు లేని పరిస్థితి ఉంది. ఓ వైపు ఫుట్‌పాత్‌లపై ఆక్రమణలు, రెయిలింగ్‌ల తొలగింపు వంటి మున్సిపల్‌ ఆస్తులు ధ్వంసం అవుతున్నా కనీసం పట్టింపులేదు.
