TV
పోలీసుల తీరు సరికాదు
నిర్మల్‌టౌన్‌: జిల్లా కేంద్రంలో పోక్సో నిందితుడిని సరెండర్‌ చేసే క్రమంలో పోలీసులు న్యాయవాదులపై దాడి చేయడం సరికాదని నిర్మల్‌ బార్‌ అసోసియేషన్‌ అధ్యక్షుడు ఏ.మల్లారెడ్డి అన్నారు. నిర్మల్‌ ప్రెస్‌క్లబ్‌లో గురువారం మాట్లాడారు. 50 రోజులు గా నిందితుడిని పట్టుకోవడంలో విఫలమైన పోలీ సులు.. న్యాయవాది సమక్షంలో లొంగిపోవడానికి వచ్చిన సమయంలో దురుసుగా ప్రవర్తించారన్నారు. న్యాయవాది, ఆయన కారుపై దాడి చేశారని తెలిపారు. దురుసుగా ప్రవర్తించిన పోలీసులపై చట్టపరమైన చర్యలు తీసుకోవాలని డిమాండ్‌ చేశా రు. న్యాయవాదులు రాజశేఖర్‌, నరేందర్‌, రామచంద్రారెడ్డి, నర్సారెడ్డి, అసిఫ్‌, ఖాజా, మధుకర్‌, గంగాధర్‌, సాయి, దిలీప్‌రెడ్డి పాల్గొన్నారు.
తప్పుడు ప్రచారం మానుకోవాలి..
కోర్టు ఆవరణలో పోలీసులు లాయర్లను వేధిచినట్లు తప్పుడు ప్రచారం మానుకోవాలని పట్టణ సీఐ ప్రవీణ్‌కుమార్‌ సూచించారు. పోక్సో కేసులో నిందితుడు కోర్టు ఆవరణలో ఉన్నట్లు సమాచారం అందడంతో అదుపులోకి తీసుకోవాలని ప్రయత్నించామన్నారు. నిందితుడు ప్రతిఘటించడంతో కారుకు ఎలాంటి డ్యామేజ్‌ జరగకుండా అదుపులోకి తీసుకున్నట్లు తెలిపారు. తీవ్ర నేరం చేసిన వ్యక్తిని కస్టడీకి తీసుకునే క్రమంలో న్యాయవాదులే పోలీసుల విధులను అడ్డుకున్నారని పేర్కొన్నారు.
