నానో యూరియా మేలు

నానో యూరియా మేలు

లక్ష్మణచాంద: గుళికల యూరియా కన్నా నానో యూరియా మేలని జిల్లా వ్యవసాయాధికారి అంజిప్రసాద్‌ పేర్కొన్నారు. బుధవారం తహసీల్దార్‌ కార్యాలయం నుంచి రైతు వేదిక వరకు రైతులతో కలిసి ర్యాలీ నిర్వహించారు. అనంతరం రైతు వేదికలో ఏర్పాటు చేసిన సమావేశంలో నానో యూరియా వినియోగంపై రైతులకు అవగాహన కల్పించారు. నేల, గాలి, నీటి కాలుష్యం, తెగుళ్ల ఉధృతి తగ్గిస్తుందన్నారు. ఈ కార్యక్రమంలో వ్యవసాయ సంచాలకులు విద్యాసాగర్‌, ఫ్యాక్స్‌ చైర్మన్‌ రఘునందన్‌రెడ్డి, ఆత్మ చైర్మన్‌ రాంరెడ్డి, మార్కెట్‌ కమిటీ వైస్‌ చైర్మన్‌ ఈటెల శ్రీనివాస్‌, మండల వ్యవసాయ అధికారి వసంత్‌, ఏఈవోలు పవిత్ర, మౌనిక, సుష్మిత, డిప్యూటీ తహసీల్దార్‌ బాబు సింగ్‌, తదితరులు పాల్గొన్నారు.