వెలిగిన దాంపత్య దీపం

నిర్మల్‌
వరాల తల్లి.. కంకలమ్మ
కుమురంభీం జిల్లా కౌటాల సమీపంలోని ఎత్తైన గుట్టపై, వెలిసిన శ్రీ కేతేశ్వర స్వామి –కంకలమ్మ దేవి ఆలయంలో నేటి నుంచి జాతర ఉత్సవాలు ప్రారంభం కానున్నాయి.

జోనల్‌స్థాయి పోటీలు ప్రారంభం

జోనల్‌స్థాయి గిరిజన క్రీడా పోటీలు బుధవారం ఉట్నూర్‌ కేబీ ప్రాంగణంలోని క్రీడా మైదానంలో అట్టహాసంగా ప్రారంభమయ్యాయి.

ఫీజు రీయింబర్స్‌మెంట్‌

విడుదల చేయాలి

నిర్మల్‌చైన్‌గేట్‌: పెండింగ్‌లో ఉన్న స్కాలర్‌షిప్‌, ఫీజు రీయింబర్స్‌మెంట్‌ బకాయిలు పూర్తిస్థాయిలో విడుదల చేయాలని డిమాండ్‌ చేస్తూ పీ డీఎస్‌యూ ఆధ్వర్యంలో విద్యార్థులు బుధవా రం పట్టణంలో ర్యాలీ నిర్వహించారు. ఈ సందర్భంగా పీడీఎస్‌యూ జిల్లా అధ్యక్షుడు మ హేందర్‌ మాట్లాడుతూ రాష్ట్రంలో నాలుగేళ్లుగా దాదాపు రూ.9 వేల కోట్ల బకాయిలు పెండింగ్‌లో ఉన్నాయన్నారు. దీంతో కళాశాలల నిర్వహణ భారమై రాష్ట్రంలో పదుల సంఖ్యలో కాలేజీ లు మూతపడ్డాయన్నారు. అద్దె భవనాల్లో కొనసాగుతున్న వసతిగృహాలకు సొంత భవనాలు నిర్మించాలని, జిల్లాలో ప్రభుత్వ యూనివర్సిటీని ఏర్పాటు చేయాలని, పోస్ట్‌ మెట్రిక్‌ విద్యార్థులకు ప్రతీనెల రూ.500 కాస్మొటిక్‌ చార్జీలు ఇవ్వాలని డిమాండ చేశారు. ఈ కార్యక్రమంలో పీడీఎస్‌యూ జిల్లా ఉపాధ్యక్షుడు పవార్‌ కిరణ్‌, నాయకులు అనిల్‌, అద్విత్‌, గంగరాజు, ధ్రువ, విద్యార్థులు పాల్గొన్నారు.

తొలిసారి హైదరాబాద్‌లో ప్రారంభం

2018లో హైదరాబాద్‌లో తొలిభరోసా కేంద్రం ప్రారంభమైంది. ఇందులో భాగంగా జిల్లా కేంద్రంలోని ప్రభుత్వ డిగ్రీ కళాశాల ఎదురుగా భరోసా కేంద్రాన్ని ఏర్పాటు చేశారు. 2024, ఫిబ్రవరి 18న అప్పటి జిల్లా ప్రధాన న్యాయమూర్తి కర్ణకుమార్‌, ఎస్పీ జానకీ షర్మిల ప్రారంభించారు. ఈ కేంద్రం పోలీస్‌ శాఖ పర్యవేక్షణలో నడుస్తోంది. బాధిత మహిళలు, బాలికలకు మనోధైర్యంతో పాటు భరోసా కల్పిస్తోంది. పోలీస్‌స్టేషన్‌కు రావడానికి ఇబ్బందిగా భావించే బాధితులు ఈ కేంద్రాన్ని ఆశ్రయించవచ్చు. ఆపదలో ఉన్న ఎవరైనా వచ్చి భరోసా కేంద్రం తలుపు తడితే వారికి తక్షణమే ప్రత్యేక సేవలు, సమస్యలకు పరిష్కారం లభిస్తుంది. అవసరాన్ని బట్టి బాధితులకు సఖీ కేంద్రంలో పునరావాసం కూడా కల్పించబడుతుంది. ఇందులో భాగంగా ఇప్పటి వరకు భరోసా సెంటర్‌ ద్వారా ఏకమైన జంటలకు బుధవారం జిల్లా కేంద్రంలోని ప్రధాన పోలీస్‌ కార్యాలయంలో ఎస్పీ జానకీ షర్మిల ఆధ్వర్యంలో ‘వెలగనిద్దాం.. దాంపత్య దీపం’ పేరుతో సన్మాన కార్యక్రమం నిర్వహించారు. ఈ సందర్భంగా విడిపోయి కలిసిన జంటలకు వాయినం అందించారు. పోలీస్‌ కుటుంబ సభ్యులతో వారికి ఇంట్రక్షన్‌ చేయించి, వారిలో ధైర్యాన్ని నింపారు. అనంతరం జిల్లా జడ్జి శ్రీవాణి షీ టీం, భరోసా సెంటర్‌ బృందానికి ప్రశంసా పత్రాలు అందజేశారు.

ఎస్పీ తనదైన ముద్ర

జిల్లాలో తొలి మహిళా ఎస్పీగా బాధ్యతలు చేపట్టిన నాటినుంచి ‘నిర్మల్‌ పోలీస్‌.. మీ పోలీస్‌’ అంటూ ప్రజలకు అవగాహన కల్పించారు. జిల్లా కేంద్రంలో భరోసా సెంటర్‌ను ప్రారంభించి ఉద్యోగులను నియమించారు. వారికి అందుబాటులో ఉంటూ .. పర్యవేక్షించారు. జిల్లాలోని పాఠశాల, కళాశాలలు, బస్టాండ్‌ తదితర ప్రాంతాల్లో భరోసా సెంటర్‌పై అవగాహన కార్యక్రమాలు నిర్వహించారు. ఇప్పటి వరకు భరోసా సెంటర్‌ను 231 జంటలు ఆశ్రయించాయి. ఇందులో భరోసా, షీ టీం బృందం ప్రత్యేక చొరవ తీసుకొని 110 కుటుంబాలను కలిపి వారి జీవితాల్లో వెలుగులు నింపింది. ఇంకా 43 కుటుంబాలకు కౌన్సిలింగ్‌ నడుస్తుంది.

సేవలు ఇలా..

భరోసా కేంద్రంలో ఒక మహిళా ఇన్‌స్పెక్టర్‌, సైకాలజిస్టు, సపోర్టు పర్సన్‌, మల్టీ పర్పస్‌ హెల్త్‌ వర్కర్‌, న్యాయవాది, రిసెప్షనిస్టు ఉంటారు. బాధితులకు భరోసా కల్పించే కేంద్రాలు కావడంతో రాష్ట ప్రభుత్వం వీటికి ఈ పేరు పెట్టింది. లైంగిక దాడులు, ఇతర వేధింపులకు గురైన పిల్లలు మానసిక పరిస్థితిని దృష్టిలో పెట్టుకుని భరోసా కేంద్రాల్లో సేవల నిర్వహణ తీరు ఉంటుంది. ఇక్కడ పోలీస్‌ స్టేషన్‌ తరహా వాతావరణం ఉండదు. బాధితులకు కౌన్సెలింగ్‌ ఇచ్చి అవసరాన్ని బట్టి కేసు నమోదు చేస్తారు. వారికి భరోసా కలిగించేందుకు ప్రత్యేక వ్యవస్థ ఉంటుంది. వారిలో మనోధైర్యం కల్పిం చేందుకు సైకాలజిస్టు ఉంటారు. బాధితులకు అన్నిరకాలుగా చెప్పేలా మరో సపోర్టింగ్‌ పర్సన్‌ సేవలు అందిస్తారు. వేగంగా న్యాయ సేవలు అందించేలా న్యాయవాది అందుబాటులో ఉంటారు. బాధితులు కోరిన ప్రకారం వారికి న్యాయ సేవలు అందిస్తారు.

థాంక్యూ ఎస్పీ మేడం..

నేను మేసీ్త్ర పనిచేస్తూ జీవనం సాగిస్తున్నా. నాకు పెళ్లయినప్పటి నుంచి ఇంట్లో మా ఇద్దరి మధ్య గొడవలు జరిగేవి. దీంతో విసిగిపోయిన నా భార్య పుట్టింటికి వెళ్లింది. ఎస్పీని కలిసి నా బాధ వివరించా. భరోసా సెంటర్‌కు పంపించారు. అక్కడ నాకు జీవితంలో ఎలా బతకాలి. భార్యతో ఎలా నడుచుకోవాలి అనే అంశాలపై కౌన్సెలింగ్‌ ఇచ్చారు. నా భార్యను, నన్నూ ఒకటి చేశారు. మా ఇద్దర్ని కలిపిన ఎస్పీ మేడంకు కృతజ్ఞతలు. – లక్ష్మి, పోశెట్టి

విడిపోవాలనుకున్నాం..

వివాహమైన కొద్దిరోజుల తర్వాత మా మధ్య తరచూ గొడవలు జరిగేవి. చాలా సందర్భాల్లో విడిపోవాలనుకున్నాం. ఎస్పీ జానకీషర్మిలను కలిసి సమస్య వివరించా. మమ్మల్ని భరోసా సెంటర్‌కు పంపించారు. ఇన్‌చార్జి సాయికుమార్‌ మా ఇద్దరికి కౌన్సెలింగ్‌ ఇచ్చి మా జీవి తాన్ని నిలబెట్టారు. విడిపోవడం వలన కలిగే నష్టా ల గురించి వివరించారు. ఎస్పీకి నా జీవితాంతం రుణపడి ఉంటా. – ఉమామహేశ్వరి, నరేష్‌, కడెం

నా జీవితంలో వెలుగునిచ్చారు

నాకు పెళ్లయినప్పటి నుంచి ఇంట్లో నిత్యం గొడవలు జరగడంతో నాభార్య పుట్టింటికి వెళ్లిపోయింది. నన్ను వదిలేయాలనుకుంది. ఒకరోజు భరోసా సెంటర్‌ను ఆశ్రయించింది. వారు మా ఇద్దరిని పిలిచి రెండుసార్లు కౌన్సెలింగ్‌ ఇచ్చారు. మమ్మల్ని ఒకటి చేశారు. అంతేకాకుండా ప్రతీవారం ఫోన్‌ చేస్తూ.. మేము ఎలా ఉన్నామని అడుగుతారు. నా జీవితం మళ్లీ వెలుగులోకి వచ్చింది. ప్రస్తుతం సంతోషంగా బతుకుతున్నాం. పోలీసులకు ధన్యవాదాలు. – నవనీత, ముత్యం, కాల్వగడ్డ, నిర్మల్‌

పట్టించుకునే వారు కాదు

నాకు ముగ్గురు పిల్ల లు. నాపిల్ల లను, నన్ను నాభర్త పట్టించుకునేవాడు కాదు. దీంతో నేను భరోసా సెంటర్‌ను ఆశ్రయించా. రెండు మూడు సార్లు మాకు కౌన్సిలింగ్‌ ఇచ్చి నా భర్తను మార్చారు. ఇప్పుడు నా భర్త నన్నూ నా పిల్లల్ని బాగా చూసుకుంటున్నాడు. మా ఇద్దరిని కలిపిన భరోసా టీంకు కృతజ్ఞతలు.

– రజియాబేగం, నిర్మల్‌

కేంద్రం లక్ష్యాలు..

ప్రైవేట్‌, పబ్లిక్‌ ప్రదేశాల్లో హింసకు గురైన పిల్లలు, మహిళలకు సమగ్రమైన మద్దతు. సహాయం అందజేయడం. మహిళలు ఎలాంటి హింసాత్మక చర్యలనైనా ఎదుర్కొనేందుకు అత్యవసర, నాన్‌–ఎమర్జెన్సీ, వైద్య, చట్టపరమైన, మానసిక, కౌన్సెలింగ్‌ అందించడం. మగవారికి, ఆడవారికి మధ్య సమానభావాన్ని తీసుకురావడంలో సమతుల్యతతో కూడిన సమాజ నిర్మాణం, కుటుంబాల్లో, సమాజంలో ఉన్న సమస్యలు పరిష్కరించడం ద్వారా సురక్షితమైన వాతావరణాన్ని ఏర్పరచడం భరోసా కేంద్రం లక్ష్యం.

చట్టాలు కఠినంగా అమలు చేస్తున్నా.. మహిళలు, యువతులు, బాలలపై అఘాయిత్యాలు ఆగడం లేదు. ఈ నేపథ్యంలో లైంగిక వేధింపులు, దాడులకు గురైన వారికి అండగా నిలిచేందుకు, బాధితులకు భరోసా కల్పించేందుకు రాష్ట్ర పోలీస్‌ శాఖ అన్ని వసతులతో కూడిన ఇంటిగ్రేటెడ్‌ సపోర్ట్‌ సెంటర్‌ ఫర్‌ ఉమెన్‌, చిల్డ్రన్‌ (భరోసా) కేంద్రాలను ఏర్పాటు చేసింది. జిల్లా కేంద్రంలో వివిధ సమస్యలతో విడిపోయిన 110 జంటలకు కౌన్సెలింగ్‌ ఇచ్చి వారి జీవితాల్లో వెలుగులు నింపింది. భరోసా సెంటర్‌ ద్వారా ఏకమైన జంటలకు బుధవారం జిల్లా కేంద్రంలోని ప్రధాన పోలీస్‌ కార్యాలయంలో ఎస్పీ జానకీ షర్మిల ఆధ్వర్యంలో ‘వెలగనిద్దాం.. దాంపత్య దీపం’ పేరుతో సన్మాన కార్యక్రమం నిర్వహించారు. విడిపోయి ఏకమైన జంటల అభిప్రాయాలు వారి మాటల్లోనే.. – నిర్మల్‌టౌన్‌

వెలిగిన దాంపత్య దీపం

వెలిగిన దాంపత్య దీపం

వెలిగిన దాంపత్య దీపం

వెలిగిన దాంపత్య దీపం

వెలిగిన దాంపత్య దీపం