వాతావరణం

వాతావరణం

ఆకాశం ప్రకాశవంతంగా ఉంటుంది. కనిష్ట ఉష్ణోగ్రతలు మరింత తగ్గుతాయి. తెల్లవారుజామున పొగమంచు కురుస్తుంది. చలి పెరుగుతుంది.

న్యాయవాదుల నిరసన

నిర్మల్‌: న్యాయవాదులపై పోలీసులు వ్యవహరించిన తీరును నిరసిస్తూ సోమవారం వరకు విధులు బహిష్కరిస్తున్నట్లు నిర్మల్‌ బార్‌ అసోసియేషన్‌ అధ్యక్షుడు అల్లూరి మల్లారెడ్డి పేర్కొన్నారు. జిల్లా కేంద్రంలో బుధవారం కోర్టులో సరెండర్‌ కావడానికి వస్తున్న నిందితుడితో న్యాయవాది అనిల్‌ తన కారులో మాట్లాడుతుండగా, పోలీసులు చట్టవిరుద్ధంగా దాడులకు పాల్పడ్డారంటూ స్థానిక జిల్లా కోర్టు ఎదుట బార్‌ అసోసియేషన్‌ ఆధ్వర్యంలో న్యాయవాదులు నిరసన వ్యక్తం చేశారు. ఈసందర్భంగా మల్లారెడ్డి మాట్లాడుతూ చట్టానికి అతీతంగా పోలీసులు వ్యవహరించడం తగదన్నారు. తాము నిందితుడి తరపున మాట్లాడటం లేదని, పోలీసులు న్యాయవాదులతో వ్యవహరించిన తీరునే నిరసిస్తున్నామని స్పష్టం చేశారు. న్యాయవాదులతో దురుసుగా వ్యవహరించిన వారిపై చర్యలు తీసుకోవాలని డిమాండ్‌ చేశారు. వారికి భైంసా, ఖానాపూర్‌ న్యాయవాదులు మద్దతు తెలిపారు.