TV
రాజశ్రీ కోడిపిల్లలు పంపిణీ
లోకేశ్వరం: మండలంలోని నర్సింహానగర్‌తండాలో బుధవారం ఎమ్మెల్యే పవార్‌ రామారావు పటేల్‌ గిరిజనులకు రాజశ్రీ కోడిపిల్లలు పంపిణీ చేశారు. ఎస్టీ సబ్‌ప్లాన్‌లో భాగంగా పీవీ నరసింహరావు తెలంగాణ వెటర్నరీ యూనివర్సిటీ పౌల్టీ పరిశోధన కేంద్రం ఆధ్వర్యంలో ఒక్కో యూనిట్‌కు 20 కోడిపిల్లలు, నెల రోజులకు సరిపడే దాణాను వందమంది లబ్ధిదారులకు పంపిణీ చేశారు. ముగ్గురు ఇందిరమ్మ లబ్ధిదారులకు రూ.లక్ష చెక్కులు అందజేశారు. ఉపాధి హామీ పథకంలో భాగంగా సేవాలాల్‌తండాలో నిర్మించుకున్న 12 పశువుల పాకలను ప్రారంభించారు. కార్యక్రమంలో పరిశోధన కేంద్రం శాస్త్రవేత్త అనిల్‌, డీఆర్‌డీవో విజయలక్ష్మి, ఇన్‌చార్జి పశువైద్యులు రవీందర్‌, ఏపీఏం భోజన్న, ఈసీ అనిల్‌, మార్కెట్‌ కమిటీ మాజీ చైర్మన్‌ రాజేశ్‌బాబు, సాయన్న, శ్రీధర్‌, చిన్నరావు, సోలంకీ, రమేశ్‌, తదితరులు పాల్గొన్నారు.
