ఆస్పత్రులపై చర్య తీసుకోవాలి..

నిర్మల్‌ పట్టణంలోని పలు కార్పొరేట్‌ ఆస్పత్రులు పార్కింగ్‌ కోసం కేటాయించిన భవనాల సెల్లర్లలో గదులు ఏర్పాటు చేసి రోగులకు వైద్య సేవలు అందిస్తున్నాయి. ఇవి రోగుల ఆరోగ్యానికి (ముఖ్యంగా గర్భిణులు, వృద్ధులు, శ్వాసకోశ సమస్యలు ఉన్నవారికి) అత్యంత ప్రమాదకరం. అధికారులు స్పందించి, వైద్య శాఖ టాస్క్‌ ఫోర్స్‌ బృందాలతో సమగ్ర విచారణ జరిపి చర్యలు తీసుకోవాలి.

– సయ్యద్‌ హైదర్‌, నిర్మల్‌

వినాయక్‌ సాగర్‌లో వ్యర్థాలు

నిర్మల్‌ పట్టణంలోని వినాయక్‌సాగర్‌ (బంగల్‌ చెరువు)లో కొన్ని ప్రైవేట్‌ ఆస్పత్రులు వైద్య వ్యర్థాలు, ఇంజక్షన్‌ సూదులు, మందు సీసాలు, ప్లాస్టిక్‌ సంచులు, చెత్త వేస్తున్నాయి. దీంతో నీరు కలుషితమవుతోంది. చెరువులో నిత్యం వందల మంది స్నానాలు చేస్తారు. యువకులు స్విమ్మింగ్‌ చేస్తూ ఆరోగ్యాన్ని పెంచుకుంటున్నారు. ఈ నేపథ్యంలో వ్యర్థాలు వేయకుండా కఠిన చర్యలు తీసుకోవాలి.

– చెరువు సమీపంలోని స్థానికులు